Осиё кубоги. Бугун Ўзбекистон терма жамоаси Ҳиндистон билан ўйнайди

Бугун Ўзбекистон терма жамоаси Қатар яшил майдонларида бўлиб ўтаётган Осиё кубоги 2-тур ўйинини ўтказади. Сречко Катанец бошчилигидаги термамизга Ҳиндистон рақиблик қилади.

Учрашув соат 19:30да ўз бағрига 45 032 нафар мухлисни сиғдира оладиган "Аҳмад бин Али" стадионида старт олади. Мазкур учрашувда футболчиларимиз тўлиқ оқ либосда, дарвозабонимиз эса қора либосда ҳаракатланади.

Шунингдек, учрашувни бошқариб борадиган ҳакамлар гуруҳи ҳам маълум. Ушбу ўйинида хитойлик Фу Минг бош ҳакам сифатида бошқаради. Унга ҳамюртлари Жоу Фей ҳамда Жанг Ченг ёрдам беришса, захира ҳаками сифатида иорданиялик Аҳмад Муҳаммад ишлайди.

Эслатиб ўтамиз, биринчи турда термамиз Сурия билан нурсиз дурангга имзо чекканди.