Осиё кубоги U-20. Ироқ - Ўзбекистон: Майдонда бир киши кам бўлиб қолдик (Матнли трансляция)

Айни вақтда 20 ёшгача бўлган футболчилар ўртасида Осиё Кубоги 2-туридан ўрин олган Ироқ - Ўзбекистон баҳси старт олмоқда. Мазкур беллашувдан матнли трансляцияни сайтимиз орқали томоша қилишингиз мумкин. 

• 90+4'
  

  Тугади. Ўзбекистон Ироқни 1:0 ҳисобида мағлуб этди ва кейинги босқичга йўл олди. Ғалаба муборак, азиз ҳамюртлар!!!

• 90'
  

  Учрашувга 4 дақиқа вақт қўшиб берилди.

• 87'
  

  Аббос Файзуллаев ўрнига Абубакр Ашуров майдонга тушди.

• 84'

  Рақиб футболчимизга нисбатан қўпол ҳаракат қилди ва мухлислар уни яхшилаб  "дуо" қилишди:)

• 79'

  Эххххх... Раҳмоналиев бирга-бир вазиятдан унумли фойдалана олмади.

• 76'
  

  Диёр Ортиқбоев ўз ўрнини Шерзод Эсановга бўшатиб берди.

• 76'

  Кадим Рааднинг зарбаси дарвозамиз устунига тегиб қайтди. Ҳисоб 1:0 ҳамон бизнинг фойдамизга.

• 75'

  Ҳаммаси жойида! У ўйинни давом эттиради.

• 74'
  

  Файзуллаев тиббий ёрдамга муҳтож!

• 72'

  Ироқликлар бирин-кетин кескин ҳужумлар амалга оширмоқда.

• 70'

  Аббос майдонда шунчаки "рақс" тушиб бермоқда.

• 68'

  Муҳаммад Жамил дарвозабонимизни синаб кўришга қарор қилди. Аммо унинг зарбаси дарвоза тўсини тепасидан ўтиб кетди.

• 67'

  Энди Файзуллаев рақибга нисбатан фол ишлатди.

• 64'

  Ироқлик футболчилар асабийлашмоқда. Улар бир-бирига нисбатан кескин эътирозлар билдирмоқда.

• 62'

  Майдонда тўп учун кескин кураш кечмоқда.

• 59'
  

  Аббоснинг айёрона узатмасидан сўнг Диёр Ортиқбоевнинг зарбаси ноаниқ кетди. Шунингдек, бу вазиятда офсайд борлиги ҳам қайд этилди.

• 58'

  Файзуллаевга нисбатан ўйин қоидаси бузилди. Жарима зарбаси хавфли бўлиши мумкин. Аббосдан гол кўрамизми яна?

• 55'

  Йигитлар бир киши кам бўлишига қарамай чиройли ўйин намойиш этмоқда

• 53'

  Рақиб тўп назоратига эгалик қиляпти.

• 50'

  Зарба "жонли девор"га тегиб, майдонга қайтди. Хавф бартараф этилди.

• 49'

  Вакилларимиз қулай нуқтадан жарима зарбасини амалга оширади.

• 46'
  

  Иккинчи тайм бошланди.

• 45+3'
  

  Биринчи тайм якунланди. Бир киши кам қолган вакилларимиз ҳозирча 1:0 ҳисобида олдинда бормоқда.

• 45'
  

  Биринчи бўлимга 3 дақиқа вақт қўшиб берилди. 

• 44'
  

  Ана холос! Ҳакам Шаҳзод Раҳматуллаевга қизил карточка кўрсатди.

• 42'
  

  Ироқ жамоаси футболчиси Ҳайдар Абдулкарим сариқ карточкага лойиқ кўрилди. У Ўрозовга нисбатан қўполлик ишлатди.

• 41'

  Майдонда тўп бош ҳакамга тегиб қолди.

• 38'

  Зафармуродга қарши рақиб ҳимоячиси ишончли ҳаракат қилди ва ҳужумимизни тўхтатиб қолди.

• 35'
  

  Ҳамюртларимиз сафида ўзгариш. Нодир Абдураззоқов ўрнига Шаҳзодбек Раҳматуллаев майдонга туширилди.

• 34'
  

  Жаҳонгир Ўрозовга сариқ карточка кўрсатилди.

• 33'

  Ироқликларнинг яна бир ҳужуми ҳимоячиларимиз томонидан қайтариб юборилди.

• 31'

  Посбонимиз Отабек Боймуродов рақиб ҳужумини бартараф этди.

• 28'

  Абдураззоқов тўпга улгура олмади. Вакилларимизнинг хавфли ҳужуми ноаниқ пас билан якунига етди.

• 24'

  Йигитларнинг голдан кейин ўзига бўлган ишончи ортди.

• 20'

  Зафармурод Абдираҳматов узоқ масофадан омадини синаб кўрди. Аммо унинг уриниши биз учун самарали якунланмади.

• 17'
  

  ГОООООООООООЛ! Учрашувда ҳисобни очдик. Холдорхонов рақиб жарима майдонида фаоллик кўрсатиб, гол муаллифига айланди. 

• 15'

  Ироқликлар устунликни ўз қўлига олишга уринмоқда.

• 14'

  Ироқ термаси хавфли вазиятга эга бўлди. Аммо ҳимоячиларимиз тўп йўлига "тўсиқ қўйди".

• 12'

  Холдорхонов рақибга нисбатан ўйин қоидасини бузди. 

• 9'

  Вакилларимиз тўп назоратига эгалик қилмоқда.

• 7'

  Жарима зарбаси самарасиз якунлангач, рақибларимиз тезкор қарши ҳужумга эътибор берди. Аммо ҳимоячиларимиз ўз ўрнида.

• 6'

  Вакилларимиз жарима зарбасини ижро этади. Хавфли вазият

• 3 '
  

  Ироқликлар учрашувда ҳисобни очди. Аммо рақиб футболчилари офсайд учун чалинган ҳуштакни эшитмай қолишди.

• 1'
  

  Беллашувга старт берилди.

• *'

  Учрашув старти учун барчаси тайёр.