Осиё кубоги U-20. Ўзбекистон - Индонезия: Матнли трансляция

Айни вақтда 20 ёшгача бўлган футболчилар ўртасида Осиё Кубоги 3-туридан ўрин олган Ўзбекистон - Индонезия баҳси старт олмоқда. Мазкур беллашувдан матнли трансляцияни сайтимиз орқали томоша қилишингиз мумкин. 

• 90+5'
  

  Баҳс якунига етди. Ҳамюртларимиз гуруҳни 1-ўринда якунлашди. Кейинги босқичдаги рақибимиз Австралия терма жамоаси бўлади.

• 90+4'
  

  Охирги сонияларда бурчак зарбасига эга бўлдик!

• 90'
  

  Беллашувга 5 дақиқа вақт қўшиб берилди.

• 88'

  Файзуллаев бир неча рақибларини алдамчи ҳаракатлари билан доғда қолдиришга муваффақ бўлди.

• 86'
  

  Рақиб таркибида ҳам бир қанча ўзгаришлар амалга оширилди.

• 84'

  Ўйиннинг охирги дақиқалари "оловли" ўтиши кутиляпти!

• 81'
  

  Ўзгаришлар қилишда давом этамиз. Холдорхонов ўрнига Жабборов, Аҳроров ўрнига эса Маҳамаджонов ўйинни якунлаб қўяди.

• 79'
  

  Вакилларимиз таркибида навбатдаги ўзгариш. Диёр Ортиқбоев ўз ўрнини Асадбек Жўрабоевга бўшатиб берди.

• 75'

  Ҳужумларимиз сони тобора ошиб бормоқда.

• 73'

  Зафармуроднинг ажойиб зарбасига бироз аниқлик етишмади.

• 72'

  Йигитлар гол уриш учун тинмасдан ҳужум амалга оширмоқда. Параллель ўйинда эса Ироқ Сурияни 1:0 ҳисобида мағлуб этяпти.

• 68'

  Афсус! Вазият гол билан якунланмади.

• 67'
  

  Бурчак зарбасини ижро этамиз!

• 64'
  

  Ҳамюртларимиз сафида ўзгариш. Иззатилло Пўлатов ўрнига Зафармурод Абдураҳматов майдонга туширилди.

• 60'

  Индонезиянинг ҳужуми охирига етмай қолди. Аниқроғи, уларнинг паси футболчиларимиз томонидан қайтариб юборилди.

• 57'

  Иззатилло Пўлатовга тиббий ёрдам кўрсатилди.

• 55'

  Тўп индонезиялик футболчиларда. Аммо уларнинг ҳужуми бесамар якунланди.

• 53'

  Рақибларимиз қарши ҳужумдан тезда фойдаланишга ҳаракат қилди. Бироқ ҳимоячиларимиз ўз ўрнида.

• 50'

  Майдоннинг ҳар бир қарич ери учун "жанг" кечмоқда.

• 48'

  Умаралига нисбатан рақиблар кескин ҳаракат қилди. Бироқ ҳакам бу вазиятда ўйин қоидаси бузилмаганини қайд этди.

• 46'
  

  Иккинчи бўлимга старт берилди!

   

• 45+2'
  

  Биринчи тайм якунига етди. Ҳозирча ҳисоб 0:0.

• 45+1'

  Умарали Раҳмоналиевнинг узоқдан йўллаган кучли зарбасига бироз аниқлик етишмади.

• 45'
  

  Учрашув биринчи бўлимига бош ҳакам томонидан 2 дақиқа вақт қўшиб берилди.

• 43'

  Яна бир ҳужум рақиб томонидан катта қийинчилик билан бартараф этилди.

• 40'

  Рақиб ҳимояси олдида кучли босим ўтказмоқдамиз.

• 38'

  Футболчиларимиз кетма-кет ҳужумлар ташкил этмоқда.

• 35'
  

  Бурчак зарбаси бизнинг фойдамизга.

• 33'

  Баҳс шиддатли тарзда давом этмоқда. Бироқ беллашувда ҳамон ҳисоб очилгани йўқ.

• 30'

  Қандай ажойиб вазият! Саидафзал Аҳроровнинг зарбасини рақиб дарвозабони оёқлари билан майдон ташқарисига чиқариб юборди.

• 28'

  Рақиб бор эътиборини қарши ҳужумларга қаратган. Бироқ ҳозирча вакилларимиз мудофаада яхши ўйнашмоқда.

• 25'

  Индонезияликлар яна бир кескин ҳужумимиз бесамар кетишига сабабчи бўлишди.

• 23'

  Индонезияликлар қулай нуқтадан жарима зарбасини ижро этади.

• 21'

  Уххх. Аббоснинг зарбасини рақиб ҳимоячиси қайтариб қолди.

• 18'

  Йигитлар тўп назоратини ўзида ушлаб турибди.

• 15'

  Индонезияликлардан хавфли зарба. Аммо ноаниқ.

• 13'

  Аббос Файзуллаевнинг айёрона узатмасини шериги тушуна олмади ва тўп рақибларга ўтиб кетди.

• 10'

  Ҳамюртларимиз айни дақиқаларда 3 та марказий ҳимоячи билан ҳаракат қилмоқда.

• 8'

  Беллашув ёшларимизнинг устунлиги остида кечмоқда.

• 4'

  Рақиб посбони кучсиз зарбани эгаллаб олди ва хавфни бартараф этди.

• 3'
  

  Равшан Ҳайдаров шогирдлари бурчак зарбасини амалга оширади.

• 2'

  Ҳамюртларимиз илк дақиқалардан хавфли ҳужумлар яратишмоқда.

• 1'
  

  Ўйин бошланди. 

• *'

  Вакилларимиз оқ, рақиб эса қизил рангли либосларда ҳаракат қилади.

• *'

  Стадионда жамоалар мадҳияси янгради. Ҳаммаси старт учун тайёр ҳолатда.

   

• *'

  Ассалому алайкум, қадрли футбол ихлосмандлари! Ўзбекистон - Индонезия учрашувини МАТНЛИ тарзда биз билан бирга кузатиб боришингиз мумкин.