Осиё ўйинлари. Ўзбекистон ОТЖ гуруҳидаги икки жамоа мусобақада иштирок этмаслигини маълум қилди

Осиё ўйинларининг футбол дастурида "C" гуруҳидан ўрин олган Тимур Кападзе бошчилигидаги олимпия терма жамоамиз тақвимида ўзгариш.

Дастлабки қуръа натижасига кўра, ушбу квартетдан Ўзбекистон, Афғонистон, Сурия ва Гонконг жамоалари ўрин олган эди. Аммо гуруҳ баҳслари бошланишига 2 кун қолганида Сурия ва Афғонистон футбол жамоалари ХИХ Осиё ўйинларида иштирок эта олмаслигини маълум қилган.

Вазиятдан чиқиш мақсадида ўйинлар ташкилий қўмитаси бу ҳолат бўйича Осиё футбол конфедерациясига мурожаат қилди ва якунда гуруҳда қолган 2 жамоа иштирокни давом эттириши маълум қилинган.

Шу боис, энди Ўзбекистон ва Гонконг жамоалари ўзаро икки учрашувда куч синашган ҳолда гуруҳ ғолибини аниқлаб олишади. Янги тақвим бўйича ўйинлар 22 ва 25-сентябр саналарига белгиланди.

Манба: olympic.uz

 

Фикрлар

Саралаш
Фикр қолдириш учун авторизациядан ўтинг!
Pardayev Shavkat
18/09/2023 13:36
... "Аммо гуруҳ баҳслари бошланишига 2 кун қолганида Сурия ва Афғонистон футбол жамоалари ХИХ Осиё ўйинларида иштирок эта олмаслигини маълум қилган." "ХИХ",- бу қанақа абриватура.
Хитой-Хихонг Иттифоқими?
Жавоб ёзиш
&
-!-NAVIGATOR-!-
17/09/2023 21:02
Ha bechora gangkongga rahmim kelayapti
Жавоб ёзиш
Норов Абдужалил
17/09/2023 20:50
Бу бизни футболчиларга яхши. Плейоф уйинларига катта куч ва йукотишларсиз етиб боради
Жавоб ёзиш
ХОЛМУРОДОВ АМИР
17/09/2023 20:44
Нега катнашмайди жарима килиш керак
Жавоб ёзиш