Осиёлик футболчи Гана юлдузининг оёғини синдириб юборди

ФИФА кунлари муносабати билан ташкил этилган ўртоқлик учрашувларининг бирида Япония терма жамоаси ўз майдонида Гана футболчиларини қабул қилди.

Учрашув кунчиқарюрт вакилларининг 2:0 ҳисобидаги ғалабаси билан якунланди. Африкаликлар дарвозасини Минамино ва Доан бир мартадан ишғол қилди.

Япония терма жамоасига “Лидс Юнайтед” жамоасида чақиртирилган 27 ёшли Ао Танака ўртоқлик ўйини антиқаҳрамонига айланди. У Гана терма жамоаси юлдузи Абу Фрэнсисга жиддий жароҳат етказди. Тўқнашувда “Тулуза”дан терма жамоага таклиф этилган Абунинг оёғи синиб кетди.

Бу ҳолат 51-дақиқада Ао Танака рақиб жарима майдончаси яқинидан зарба беришга чоғланган вазиятда рўй берди. Унга халақит қилишга уринган Абу Фрэнсис рақиб йўлига оёғини қўйди ва Танаканинг зарба берган оёғи Фрэнсисга тегди. Бунинг оқибатида ганалик ўйинчининг ўнг оёғи синиб кетди.

Жароҳатланган ўйинчига дарров тиббий ёрдам кўрсатилди. Бироқ унинг тикланиш муддати узоқ вақт олиши айтилмоқда.

Ао Танака бу воқеадан кейин Гана терма жамоаси захира ўриндиғига бориб, рақиб брш мураббийи Отто Аддодан узр сўради.