Оскар де ла Хойя: "Ўзингизни шарманда қилишни бас қилинг"

Олти вазн тоифасида собиқ жаҳон чемпиони Оскар де ла Хойя собиқ рақиби кичик Флойд Мейвезерни кўргазмали жанглари учун танқид қилди.

 "Жон Готти III билан жангда, иккинчи раунднинг ўрталарида Флойд том маънода ҳакамни ўзгартирди.  Бошнинг орқа қисмига уришни бас қил, дегани унга ёқмади. Бу жуда кулгили эди. Флойд, сиз 50 ёшдасиз. Бу спортнинг афсонасисиз.  Мен сон-саноқсиз интервюларда сизни ҳимоя қилдим. Аммо бу кўргазма намойишлари билан ўзингизни шарманда қилишни бас қилишингиз керак. Биламан, ҳаёт оғир, ҳаммага ҳам пул зарур. Лекин шаънингизни биринчи ўринга қўйинг. Ҳеч ким сизни бундай эслашни хоҳламайди. Флойд, мен сизнинг мухлисингизман, келинг, вазиятни ўзгартирайлик”, — деб ёзди де ла Хоя ижтимоий тармоқдаги саҳифасида.

 Эслатиб ўтамиз, Мейвезер фаолияти давомида бешта вазн тоифасида 50 та ғалаба қозониб, бирорта ҳам мағлубият аламини тотиб кўрмаган ҳолда чемпион бўлган.