Остон гол урган ўйинда "Персеполис" ишончли ҳисобда ғалаба қозонди

Эрон чемпионати 29-туридан ўрин олган "Шамс Азар Қазвин" ва "Персеполис" жамоалари ўртасидаги ўйин якунланди. Мазкур беллашувда теҳронликлар 3:1 ҳисобида ғалаба қозонди.

"Персеполис" сафида ҳаракат қилаётган легионеримиз Остон Ўрунов баҳсни асосий таркибда бошлади ва жамоасининг илк голига муаллифлик қилди.

Маълумот учун, "Персеполис" чемпионат якунига бир тур қолганида 65 очко билан биринчи ўринда бормоқда.