Остон Ўруновни "Спартак"да яна бир муаммо кутмоқда

"Ростов" клуби ярим ҳимоячиси Матиас Норманн фаолиятини бошқа жамоада давом эттириши мумкин. Бу ҳақда «Чемпионат» нашри хабар берди.

Манбанинг маълум қилишича, "Спартак" клуби Матиас Норманнга қизиқиш билдирмоқда. "Қизил-оқлар" 24 ёшлик хавбек билан қишда шартнома имзоламоқчи ва тез орада музокаралар бошланади. Томонлар аллақачон боғланиб, норвегиялик футболчининг трансфер имкониятларини муҳокама қилганлар.

2019 йил январда "Брайтон"дан Россияга кўчиб ўтган Норманн "Ростов" билан 2024 йилгача шартнома имзолаган.

Матиас Норманн ярим ҳимояда тўп тепади. Ушбу позицияда ҳамюртимиз Остон Ўрунов ҳам ўйнайди. Шундоқ ҳам "Спартак"даги фаолияти кўнгилдагидек кечмаётган Остон учун бу яна бир муаммони келтириб чиқариши мумкин.

Фикрлар

Саралаш
Фикр қолдириш учун авторизациядан ўтинг!
&
Okasi
14/12/2020 22:42
Муаммола ҳали тиқилиб ётипти. Остон кет, обрўйинг борида. Жуда бўлмаса, УФАга қайт.
Жавоб ёзиш
&
Okasi
14/12/2020 22:39
Осилма, Остон, "Спартак"да сани ўйнатишмиди! И ўзинам лойиқмассан. Без обиды. Кет ўзингга мос жамоага.
Жавоб ёзиш