Ўтган ва ҳозирги мавсумдаги ўхшаш вазиятлар, Черан, "Бухоро" ва бошқалар...

Ўзбекистон Суперлигасининг 2-тури ҳам ортда қолди. Ҳа, демай 3-тур ўйинларига ҳам старт берилади.

Ушбу тур ўйинлари бошланишидан олдин, ўтган мавсумдаги 2-турдан кейин, ким қанча гол ургани ҳақида ёдга олиб, жорий мавсум билан солиштириб кўрамиз.

Бу борада, "Пахтакор" клуби етакчи! Ўтган мавсум ҳам, жорий мавсум ҳам тошкентликлар ортда қолган 2 та учрашувдан кейин, 5 та гол уришга эришган чемпионатимиздаги ягона жамоа ҳисобланади.

Қашқадарёнинг "Насаф" жамоаси амалдаги мавсумни кўтаринки руҳда бошлади. Сафарда "Қизилқум"ни 3:1, Ўз майдонида "Андижон"ни 2:1 ҳисобида мағлуб этган "аждарлар"нинг голлари сони 5 тага етди.

2019 йилги мавсумнинг 2 та туридан сўнг, қаршиликларнинг голлари сони 4 тани ташкил этганди.

Тошкентнинг яна бир клуби "Бунёдкор" рақиблари дарвозасини 4 маротаба ишғол этиб улгурди. Ўтган йили "қалдирғочлар" 2 та баҳсдан сўнг, 2 та гол уришганди холос!

Иккита турдан ҳам мағлуб бўлган "Қизилқум" жамоаси ҳар иккала ўйинда ҳам биттадан гол урди.

Зарафшон клуби ўтган мавсумда 4 та голни расмийлаштирган эди.

Гол уриш борасида етакчилик қилаётган клублардан сўнг, "Қизилқум"га иккита, "Бунёдкор"га битта гол уришга эришган "Сурхон" жамоаси 2019 йили иккита ўйинда, икки бор рақиб дарвозасига тўп киритган.

Бундан ташқари, "Металлург" жамоаси ҳам ҳар икки мавсумнинг икки туридан кейинги ҳолати ўртача ҳисобланади. Сурхондарёликлар ўтган мавсум 2 та, бу мавсум эса 3 та гол урган бўлса, Бекобод жамоаси аксинча, ўтган йили 3 та, жорий йилда эса 2 бор рақиб дарвозасини ишғол этди.

Ҳар қандай жамоага қийинчилик туғдира оладиган "Навбаҳор", "Сўғдиёна", "Локомотив" ва "Қўқон-1912" клубларининг натижалари бир хил. Наманган ва Қўқон жамоалари ўтган мавсумдаги иккита учрашувдан кейин, биттадан гол уришганди холос! Амалдаги мавсумда ҳар иккала клуб 3 тадан гол уриб улгурди.

Жиззахликларда ҳудди шу кўрсаткичнинг тескариси, яъни аввалги мавсумда 3 марта дарвозага йўл топа олган бўлса, бу йили бор-йўғи битта гол урди. "Локомотив"ни кўрсаткичи эса ўртача ҳар бир беллашувга биттадан гол тўғри келмоқда. Ўтган йилнинг 2-туридан кейин иккита гол урган тошкентликлар, амалдаги мавсум ҳам икки марта гол урди.

АГМК ва "Андижон" жамоалари 2019 йилнинг 2-туридан сўнг, бир маротабадан рақиб дарвозасига тўп киритган. Ҳозирда эса ҳар икки жамоа ҳам 2 тадан голни расмийлаштириб қўйди.

2019 йили Суперлигада ўйнамаган, аммо жорий мавсумни юқори лигада бошлаган "Машъал" жамоаси "Бунёдкор" дарвозасига йўл топа олмаган бўлсада, дастлабки турда "Сўғдиёна" клубига 3 та тўп киритди.

Самарқанднинг "Динамо" клуби ўтган мавсумнинг иккита беллашувида, бир маротаба рақиб дарвозасига йўл топган ва қуйи лигага равона бўлган.

Ҳар икки мавсумни ҳам Суперлигада ўтказган "Бухоро" клубида аҳвол чатоқ. Муҳаммадиев шогирдлари иккала мавсумнинг 2-туридан кейин, бирорта гол уришни уддасидан чиқа олмаган.

Қуйида жамоаларнинг ўтган йилги ва жорий мавсумдаги 2-турдан кейинги голлари сони ва умумийсини жадвал кўринишидаги ҳолат тасвирланган:

"Динамо Самарқанд": 1 + Х = 1
"Машъал": Х + 3 = 3
"Бухоро": 0 + 0 = 0
"Андижон": 1 + 2 = 3
"Қизилқум": 4 + 2 = 6
АГМК: 1 + 2 = 3
"Насаф": 4 + 5 = 9
"Сурхон": 2 + 3 = 5
"Металлург": 3 + 2 = 5
"Навбаҳор": 1 + 3 = 4
"Қўқон-1912": 1 + 3 = 4
"Сўғдиёна": 3 + 1 = 4
"Бунёдкор": 2 + 4 = 6
"Пахтакор": 5 + 5 = 10
"Локомотив": 2 + 2 = 4

Умумий, ўтган мавсумнинг 2 та туридан кейин, жамоалар 30 та гол уришга эришган, бу кўрсаткич жорий мавсумда 37 тани ташкил этмоқда. Жами 67 тани ҳосил этаётган голларнинг бирортасида ҳам автогол йўқ!

Тўпурарлик қилган футболчиларга келадиган бўлсак, "Пахтакор"нинг легионери Драган Черан ўтган йили ҳам, жорий мавсум ҳам 3 маротабадан рақиблар дарвозасини ишғол этди.

2019 йилнинг дастабки 2 та баҳсида гол урмаган "Насаф" футболчиси Бобир Абдуҳолиқов бу сафар Черанга рақобатлик қилмоқда ва у ҳам учта гол уриб улгурди. Бундан ташқари, амалдаги мавсумда Игорь Сергеев ("Пахтакор"), Мурод Холмуҳаммедов ("Қўқон-1912"), Кирилл Погребняк ("Локомотив") ва "Шароф Муҳитдинов ("Насаф") иккитадан гол уриб улгуришди. 2019 йилнинг биринчи даврасини "Қизилқум"да ўтказган Элгужа Григалашвили, Дилшод Саитов ("Насаф") ва Шерзод Ҳакимов ("Сурхон") аввалги мавсумнинг дастлабки иккита ўйинида, иккитадан гол уришганди.

Фикрлар

Фикр қолдириш учун авторизациядан ўтинг!
Dilshod Muratov
12/03/2020 12:52
Butun xalq tan olmasa
Pahtakor chempion bulgani bilan tatimaydi.
Bunaqa qilib chempion bulgandan xalol uynab 3 chi urinni olgan afzal
Baxriddin Murodov
11/03/2020 20:20
Черан бухорога урган 1-2-голига хакам бепарво бўлди хисобга олиши керак эмасди 2-голга пенати йўқ эди
сахтакорларни хакамлар билан эришмоқда бу ачколарини хайф сенларга...
Baxriddin Murodov
11/03/2020 20:20
Черан бухорога урган 1-2-голига хакам бепарво бўлди хисобга олиши керак эмасди 2-голга пенати йўқ эди
сахтакорларни хакамлар билан эришмоқда бу ачколарини хайф сенларга...