Ўйнатмаса ҳам, Моуриньо маошимни берса бўлди!

“Рома”нинг 25 ёшли ярим ҳимоячиси Амаду Диавара фаолиятида ўзгариш қилишга ботина олмади.

Жозе Моуриньо бу футболчини жамоани тарк этиши керак бўлган ўйинчилар рўйхатига киритган эди. Шундан кейин гвинеялик ярим ҳимоячига бир неча клублардан таклифлар бўлди. Диавара уларнинг бирортасини қабул қилмади.

Айни пайтда ярим ҳимоячи клубнинг Тригориядаги қароргоҳида якка ҳолда машқ қилмоқда. Мураббийлар штаби уни умумий гуруҳ машғулотларига жалб қилгани йўқ. Демак, Амаду ўйинларга ҳам чақиртирилмайди.

Шунга қарамай, Диавара ўйин амалиётисиз қолса ҳам, шартномасининг охиригача “Рома” маошини олиб юрмоқчи. Унинг римликлар билан битими яна икки мавсум давом этади.