Ўзбек боксчилари ёрдам берган Жервонта Дэвис Гарcияни муддатидан олдин мағлуб этди (видео)

  • 8 январь, 2023, 14:19
  • 0
  • Бокс

Профессионал бокснинг енгил вазн тоифасида (61,2 кг) WBA Regular камари эгаси Жервонта "Танк" Дэвис ўзининг навбатдаги ҳимоя жангини Луис Гарcияга қарши ўтказиб муддатидан олдин ғалаба қозонди.

Жангнинг 8-раундига қадар Гарcия Дэвисга анчагина қаршилик кўрсатиб келаётган эди, аммо ушбу раундда ўтказиб юборилган бир нечта кучли зарбалар эвазига Луис Гарcиянинг бурчаги 9-раундга чиқишни рад этди ва шу тариқа Дэвис 28-ғалабасини (26 нокаут) нишонлаган бўлса, Гарcия 17-жангида биринчи мағлубиятини қабул қилиб олди.

Энди Дэвис баҳорда Райан Гарcияга қарши рингга кўтарилади.

Эслатиб ўтамиз, Жервонта Дэвис машғулотларда ўзбек боксчилари Отабек Холматов ва Жамшидбек Нажмитдиновлар билан спарринг жангларида иштирок этган эди.

Фикрлар

Саралаш
Фикр қолдириш учун авторизациядан ўтинг!