O‘zbekiston - amputantlar o‘rtasidagi Jahon chempionatida sovrindorga aylandi

Amputantlar o‘rtasidagi Jahon chempionatida uchinchi o‘rin uchun bellashuv bo‘lib o‘tdi.

Unda O‘zbekiston Gaiti ustidan 4:2 hisobida zafar quchdi. Qudrat Xudoyqulov ilk golimizga mualliflik qilgan bo‘lsa, Aziz Abdurahmonov het-trikni rasmiylashtirdi.

Shu tariqa, Rustam Mehmonov shogirdlari mundialning bronza medallarini qo‘lga kiritdi. Chempion nomi Turkiya hamda Angola jamoalari o‘rtasidagi bahsdan so‘ng aniqlanadi.