Ўзбекистон - Қатар беллашуви учун чиқарилган чипталар сотуви тўхтатилди!

Ўзбекистон - Қатар терма жамоалари ўртасидаги Жаҳон чемпионатининг саралаш ўйини учун чипталар тугади. Бу ҳақда "Iticket.uz" маълум қилди.

Мазкур беллашув учун чипталар сотуви 3 июнда бошланди ва 5 кун давом этди (3, 4, 5, 7 ва 9 июнь). Чипталар фақатгина пойтахтда жойлашган 3 та кассада сотилди. Булар: "Бунёдкор" ва "Пахтакор" стадионлари ва "Хумо арена" ҳудудида жойлашган кассалар.

Чипталар сотуви фақат офлайн тарзда амалга оширилди. Бу қарор таўкилот, Ўзбекистон Футбол Ассоциацияси ва ҳуқуқ-тартибот идоралари билан ҳамкорликда қабул қилинган. Ушбу чора чайқовчилар фаолияти ва электрон чипталарни сохталаштириш ҳолатларининг олдини олиш мақсадида йўлга қўйилди.