O‘zbekiston ayollar jamoasi Vengriyaga ikkinchi bor mag‘lub bo‘ldi

O‘zbekiston ayollar jamoasi Evropada o‘quv-mashg‘ulot yig‘ini o‘tkazayotgani haqida xabar bergandik.

Bugun Midori Honda shogirdlari vengriyalik futbolchi qizlarga qarshi ikkinchi o‘rtoqlik uchrashuvida maydonga tushdi. Bellashuv mezbonlarning 5:0 hisobidagi g‘alabasi bilan nihoyasiga etdi.

Gollarga Fanni Vago, Emoke Papai, Sara Puztay, Viktoria Zabo hamda Zanet Kayan mualliflik qildi. Tomonlarning dastlabki qarama-qarshiligida ham vengriyaliklarning qo‘li baland kelgandi.

O‘FA matbuot xizmati