Ўзбекистон бокс терма жамоаси "Странжа"да умумжамоа ҳисобида биринчи бўлди!

2-11 февраль кунлари болгариянинг София шаҳрида “кичик жаҳон чемпионати” саналмиш нуфузли “Странджа” халқаро турнири бўлиб ўтди. Унда бокс бўйича Ўзбекистон миллий терма жамоаси ҳам иштирок этди. Мусобақада 28 давлатдан 261 нафар спортчи (178 эркаклар, 83 нафар аёллар) қатнашди.Унда эркаклар 13 та вазнда, аёллар эса 6 вазн тоифаси бўйича беллашди. Бокс оламида “Кичик жаҳон чемпионати” сифатида эътироф этиладиган мазкур турнирда Ўзбекистон терма жамоаси асосан ёш таркибда иштирок этди. Шунга қарамай, вакилларимиз мусобақа якунига кўра 6 та олтин, 2 та кумуш ва 6 та бронза медалини қўлга киритишди.

Терма жамоамиз сафидаги совриндорлар рўйхати қуйидагича кўриниш олди:

Олтин:

-50 кг Сабина Бобокулова
-54 кг Ҳўжаназар Нортожиев
-60 кг Абдумалик Ҳалоков
-71 кг Иқболжон Ҳолдоров
-75 кг Жавоҳир Умматалиев
+92 кг Жаҳонгир Зокиров

 Кумуш:

-57 кг Шаҳзод Музаффаров
-63,5 кг Адҳамжон Муҳиддинов

Бронза:

-57 кг Ҳуморабону Мамажонова
-51 кг Асилбек Жалилов
-54 кг Ҳасанбой Дўсматов
-60 кг Дилшод Абдумуродов
-75 кг Фазлиддин Эркинбоев
-86 кг Самандар Жалолов.

Қайд этиш лозимки, мусобақа якунига кўра Ўзбекистон эркаклар терма жамоаси 5 та олтин медаль билан умумжамоа ҳисобида биринчи ўринни эгаллади. Бу борада иккинчи ўринни Ҳиндистон банд этди. Кучли
учликка эса мезбон Болгария якун ясади.

Ўзбекистон бокс федерацияси матбуот хизмати