Ўзбекистон ғалабасига Роналдунинг юртидан муносабат келди

Ўзбекистон миллий терма жамоаси ўз тарихида биринчи бор футбол бўйича жаҳон чемпионатига йўлланма олганига дунё миқёсида ҳам муносабатлар билдирилмоқда.

Хусусан, Криштиану Роналдунинг юрти Португалиядаги футбол манбалари ўзбек футболчиларининг муваффақиятлари ҳақида маълумотлар чиқармоқда.

Таъкидлаш жоизки, футболчиларимиз Осиё минтақаси саралаш турнирининг учинчи босқичида тўққизинчи турда сафарда Бирлашган Араб Амирликлари билан дуранг ўйнаганидан кейин муддатидан олдин мундиал йўлланмасини нақд қилди.

Диого РИБЕЙРО, bolanarede.pt портали эксперти:

Ўзбекистон – “Жаҳон чемпионати-2026”да! Марказий Осиё жамоаси Бирлашган Араб Амирликлари майдонида дуранг ўйнади ва жаҳон чемпионатига чиқди.

Ўзбекистон – 2026 йилги жаҳон чемпионатида дебют қиладиган биринчи терма жамоа бўлади. Бу терма жамоа илгари ҳеч қачон мундиалларда қатнашмаган ва келаси йили дебютини нишонлайди.

Минтақавий саралаш турнирининг учинчи босқичи якунланишига бир тур қолганида “А” гуруҳида Эрон ва Ўзбекистон 2026 йилги жаҳон чемпионатига тўғридан тўғри йўл очадиган икки йўлланмани нақд қилди.

Бирлашган Араб Амирликлари, Қатар ва Қирғизистон жаҳон чемпионатига чиқиш учун курашни кейинги босқичда давом эттириш ҳуқуқи учун рақобатлашмоқда.

Жон Питер АНДРАДА, itatiaia.com.br сайти эскперти:

Ўзбекистон жаҳон чемпионати йўлланмасини ўзида ушлаб қолди. Тўғридан тўғри рақибларнинг ўзаро баҳсида ўзбеклар Бирлашган Араб Амирликлари терма жамоаси майдонида навбатдаги мундиалда қатнашиш ҳуқуқини қўлга киритди.

Энди Ўзбекистонни 2026 йилги жаҳон чемпионатида кўрамиз. Бунинг учун ўзбекларга саралаш турнирининг тўққизинчи туридаги дуранг натижа кифоя қилди.

Майдон эгалари жаҳон чемпионатига тўғридан тўғри чиқиш имкониятини сақлаб қолиш учун бутун учрашув давомида катта куч билан босим уюштиришга ҳаракат қилди. Ўзбекистон миллий терма жамоаси яхши ҳимояланди, айниқса, дарвозабон Ўткир Юсупов жуда ишончли ўйнади.

Ўзбекистоннинг энг ёрқин ўйинчилари сифатида жамоа сардори Элдор Шомуродов ва “Манчестер Сити” марказий ҳимоячиси Абдуқодир Ҳусановни халқаро майдонда жуда яхши танишади.

Ўзбекистон миллий терма жамоаси мундиал йўлланмасини муддатидан олдин қўлга киритди. Футболчиларимиз саралаш турнирининг учинчи босқичидаги охирги ўйинини 10 июнь куни “Бунёдкор” стадионида Қатар терма жамоасига қарши ўтказади.

“Манчестер Сити” Ҳусановнинг мундиалга чиққанига қандай муносабат билдирди?

Шомуродовнинг мундиалга чиққани Европада қандай баҳоланди?

Гвардиола ҳайрон: Ҳусанов Ямал билан ўйнаши мумкинми?

Файзуллаевдан хушхабар!

Ҳусановнинг “Манчестер Сити”даги келажаги муҳим қарорга боғлиқ?