Ҳусановнинг “Манчестер Сити”даги келажаги муҳим қарорга боғлиқ?

Оммавий ахборот воситалари ва ижтимоий тармоқларда ўзбек футболи афсонаси Азамат Абдураимовнинг “Манчестер Сити” ва Ўзбекистон миллий терма жамоаси марказий ҳимоячиси Абдуқодир Ҳусанов ҳақидаги интервьюси тарқалмоқда.

Маълумки, Азамат Абдураимов Абдуқодир 14 ёшлигида уни Ўзбекистон ўсмирлар терма жамоасига жалб қилган ва бир муддат футболчининг иқтидорини очишда иштирок этган.

Sports.uz портали ушбу суҳбатда Азамат Абдураимов томонидан айтилган 21 ёшли легионерга тегишли қизиқарли фикрларни ўзбекистонлик футбол ишқибозлари эътиборига ҳавола этади.

1-қисм:

Ҳусановни нега терма жамоага жалб қилмай қўйишган эди?

2-қисм:

Гвардиоланинг Ҳусанов бўйича мақсади аниқ бўлди!

- Ҳусанов ажойиб пас беради. Бошида ярим ҳимоячи сифатида ўйнаган. У ўйинни зўр ўқийди ва майдонни жуда яхши кўра олади. Комбинацион ўйин учун барча сифатларни ўзида жамлаган. Бундан ташқари, у ҳали 21 ёш эканини унутмаслик керак ва энг яхши ўйинлари ҳали олдинда.

Қолаверса, “Манчестер Сити”да Хосеп Гвардиола мактабини ўтаётгани ҳам келажакда топ-футболчи бўлижигнинг гаровидир.

Ҳусанов илгари икки марказий ҳимоячи қўлланиладиган тактикада кўп ҳам ўйнамаган ва бу усулда ҳаракат қилишга етарли даражада тайёр бўлмаслиги мумкин. Бу ҳолатни ҳам инобатга олиш керак.  Гвардиола ўйин схемасини ўзгартирди. Ҳозир жамоа уч нафар марказий ҳимоячи ўрнига иккитани ўйнатяпти. Ҳусановга жой етмай қолди. Рақобат ақлбовар қилмас даражада.

Абдуқодирнинг ўзига келган, терма жамоада ҳам, “Ланс” ва “Манчестер Сити”да ҳам ҳимоя марказида икки шерик билан ўйнаган. Лекин мен бошқарган ўсмирлар терма жамоасида икки нафар марказий ҳимоячи билан ўйнаганмиз, шундай экан, унда бу борада тажриба бор.

Ҳусановнинг шериклари айрим вазиятларга унга тўғри ёрдам бера олмади, деган гапларга қўшилмайман. Чунки Абдуқодирнинг ўзи кўпинча уларнинг хатоларини ёпиб тозаларди. Айниқса, “Сити” ҳимояси бўш ўйнаган пайтларда шундай бўлган.

Бошқа томондан уч нафар марказий ҳимоячи билан ўйнаш анча осон. Бироқ Ҳусанов аслида икки нафар марказий ҳимоячи билан ҳам ўйнашни уддалай олади.

Ҳусановнинг “Манчестер Сити”даги келажаги Хосеп Гвардиоланинг клубда қолишига боғлиқ. Агар у қолса, Абдуқодирни қўйиб юбормайди ва кейин ҳам бирга ишлашда давом этади. Клубдаги ўйин амалиётининг йўқлигини ҳозир терма жамоа учрашувларида қоплаб олиш имкони бор.

Йигитлар жаҳон чемпионатига чиқадиган паллада оладиган ҳиссиётлари уларни илҳомлантиради ва бор қийинчиликларни унутишга ёрдам беради.

Бу – Абдуқодир терма жамоадаги дўстлари билан рўёбга чиқарадиган орзу, - деди Азамат Абдураимов.  

Таъкидлаш жоизки, Абдуқодир Ҳусанов Ўзбекистоннинг турли ёшдаги болалар, ўсмирлар, ёшлар, олимпия терма жамоаларида мунтазам ўйнаб келган. Машҳур футболчи мамлакатимизнинг бош жамоаси – Ўзбекистон миллий терма жамоасидаги дебютини 2013 йилнинг 11 июнида ўтказган.

Шундан бери 21 ёшли футболчи халқаро майдонда йигирмата учрашувда иштирок этиб, юқори савияли ўйин намойиш қилиб келмоқда.

Абдуқодир Ҳусановни миллий терма жамоаси сафида июнь ойида иккита муҳим учрашув кутиб турибди. Ўзбекистон миллий терма жамоаси 2026 йилги жаҳон чемпионатининг минтақавий саралаш турнирида 5 июнь куни сафарда Бирлашган Араб Амирликлари ва 10 июнь куни Тошкентда Қатар футболчилари билан иккита ҳал қилувчи баҳсда иштирок этади.

Футболчиларимиз илк бор жаҳон чемпионатига чиқиш учун БААга ётқамаслиги ёки Қатарни мағлуб этиб, гуруҳдаги иккинчи йўлланмани қўлга киритиши талаб этилади.