“Манчестер Сити” Ҳусановнинг мундиалга чиққанига қандай муносабат билдирди?

Бутун Ўзбекистон халқи миллий терма жамоамиз футболчиларининг 2026 йилги жаҳон чемпионатига чиққанини катта байрам сифатида нишонламоқда.

Темур Копадзе шогирдлари Бирлашган Араб Амирликлари мезбонлик қилган учрашувда ғалаба тенг дурангга эришди. Мана шу бир очко ҳамюртларимизга мундиал йўлланмасини келтирди, арабларни жаҳон чемпионатига тўғридан тўғри чиқиш имкониятидан айирди.

Ўзбекистон миллий терма жамоаси аъзолари ўзлари ўйнайдиган клублардан ҳам табрикларни қабул қилмоқда.

Хусусан, бугунги кунда Ўзбекистоннинг энг машҳур футболчисига айланган Абдуқодир Ҳусанов клуби “Манчестер Сити” ҳам расмий сайтида терма жамоамиз муваффақиятини акс эттирган мақола эълон қилди.

Sports.uz портали ушбу мақолани ўзбекистонлик футбол ишқибозлари эътиборига ҳавола этади.

- Абдуқодир Ҳусанов ва бутун мамлакат Ўзбекистоннинг ўз тарихида илк бор жаҳон чемпионатида қатнашиш ҳуқуқини қўлга киритганини нишонламоқда.

“Манчестер Сити” ҳимоячиси Бирлашган Араб Амирликларига қарши учрашувда ўзига хос қатъият ва фидоийлик билан ўйнади ва ўзбекларга келаси йилги жаҳон чемпионати йўлланмасини қўлга киритиш учун керакли натижани ушлаб қолишга ёрдам берди.    

Бу Ўзбекистон терма жамоаси ҳимояси марказида етук даражада ўйин кўрсатган клубимизнинг  21 ёшли ҳимоячиси учун муҳим воқеа.   

“Ан-Наҳайён” стадионида бўлиб ўтган учрашувда бирор жамоанинг ғалаба қозониши учун имконият деярли йўқ эди. Фақат ғалаба илинжида майдонга тушган Амирлик футболчилари ўз қаршисида мустаҳкам деворни кўрди. Чунки Тимур Копадзе жамоаси ушбу ўйин учун  тузилган режага оғишмай амал қилди.

Ўзбекистон учрашувнинг голсиз тугаши БААдан минимум бир очко олинишини яхши англаб ўйнади. Араблар эса, ғалаба қозонган тақдирда ўзбекларга яқинлашиб олиши ва очколар ўртасидаги фарқни биттагача қисқартириш имкони вужудга келишини яхши биларди.

Ҳусанов жамоаси бош ҳакам ўйинни тугатгунича асосий вақтдан кейин қўшиб берилган яна саккиз дақиқани ҳам ўтказишга мажбур бўлди.

Мезбонлар ғалаба учун сўнгги сонияларгача курашган бўлса-да, улар томонидан йўлланган олтита хавфли зарбанинг бирортаси дарвоза тўрига бориб тушмади. Шу тариқа, ўйинда ҳисоб очилмади. Бу ўзбекистонлик футболчилар, расмий шахслар, мухлисларга хурсандчилик улашди ва энди бу байрам Тошкент кўчаларида ҳам давом этади.

Ўзбекистон саралаш гуруҳи пешқадами Эрон терма жамоаси билан жаҳон чемпионати йўлланмасини нақд қилди. Ҳозирча, келаси йили АҚШ, Канада ва Мексикада бўладиган мундиалда жами саккизта терма жамоа иштирокини кафолатлади.

“Оқ бўрилар” саралаш турнирини 10 июнь куни Тошкентда Қатар терма жамоасига қарши ўтказиладиган учрашув билан якунлайди.

“Манчестер Сити”дагиларнинг барчасини номидан Абдуқодир Ҳусановни ўзбек футболи учун муҳим аҳамият касб этган сана билан табриклаймиз, - деб ёзмоқда  mancity.com сайти эксперти Дэвид Клайтон.

Эслатиб ўтамиз, Абдуқодир Ҳусанов Ўзбекистон миллий терма жамоасида 2023 йилнинг июнь ойидан бери ўйнаб келади. Истеъдодли марказий ҳимоячимиз ҳозирга қадар халқаро миқёсда 21 та учрашувда иштирок этди.

Шомуродов ва Файзуллаевга Европадан хабар келди!

Ўзбекистон ғалабасига Роналдунинг юртидан муносабат келди

Шомуродовнинг мундиалга чиққани Европада қандай баҳоланди?

Гвардиола ҳайрон: Ҳусанов Ямал билан ўйнаши мумкинми?

Файзуллаевдан хушхабар!

Ҳусановнинг “Манчестер Сити”даги келажаги муҳим қарорга боғлиқ?