O‘zbekiston jahon chempionatidagi ilk o‘yinda qaysi rangdagi libosda maydonga tushishi ma’lum (Foto)

Futzal bo‘yicha O‘zbekiston milliy terma jamoasi ertaga jahon chempionati doirasida Gvatemalaga qarshi ilk o‘yinini o‘tkazadi.

Mazkur bahs oldidan FIFA tashkiliy qo‘mita a’zolari hamda ikki jamoa vakillari ishtirokida onlayn miting bo‘lib o‘tdi. Unda uchrashuvning tashkiliy masalalari, xususan, media, marketing va tibbiy jarayonlar muhokama qilindi.

Kelishuvga ko‘ra, Gvatemalaga qarshi uchrashuvda O‘zbekiston terma jamoasi to‘liq ko‘k rangda maydonga tushadigan bo‘ldi, darvozabonimiz esa sariq libosda harakatlanadi.

Eslatib o‘tamiz, O‘zbekiston - Gvatemala o‘yini ertaga Toshkent vaqti bilan soat 20:00da boshlanadi. Ushbu bahsni "Yoshlar" telekanali jonli efirda namoyish etadi.