Ўзбекистон “ЖЧ-2026”да сюрприз кўрсатади!

2026 йилнинг 11 июнидан 19 июлигача АҚШ, Канада ва Мексика майдонлари мезбонлик қиладиган жаҳон чемпионатида иштирок этадиган 48 та терма жамоа гуруҳларга ажратилди.

Ўзбекистон миллий терма жамоаси кучли рақиблар – Криштиану Роналду етакчилигидаги Португалия ва Хамес Родригес бошчилигидаги Колумбияга рўбарў келади.

“К” гуруҳининг тўртинчи вакили Конго Демократик Республикаси, Янги Каледония ва Ямайка терма жамоаларидан бири бўлади.

Айни пайтда футбол экспертлари мундиал иштирокчиларининг имкониятларига баҳо бермоқда.

Sports.uz портали 2006 йили “Пахтакор” ва Ўзбекистон миллий терма жамоаси бош мураббийи бўлиб ишлаган россиялик таниқли мутахассис Валерий Непомпяшийнинг фикр-мулоҳазаларини ўзбекистонлик футбол ишқибозлари эътиборига ҳавола этади. 

- Жаҳон чемпионати қуръаси, хусусан, Ўзбекистон миллий терма жамоаси жой олган гуруҳ ҳақида фикрингиз қандай?

- Албатта, Ўзбекистон миллий терма жамоаси ўз гуруҳида фаворит эмас. Лекин, одатда, йўқотадиган нарсаси бўлмаган жамоалар эркин ва ҳеч қандай босимсиз ўйнайди.

Улар ўзларини аллақачон кўрсатишни уддалашди, шу боиз ўзбеклардан ҳамма нарсани кутса бўлади. Ўзбекистон жаҳон чемпионатида сюрприз бўлиши мумкин.

Гуруҳдаги тўртинчи рақиб, у қайси бир терма жамоа бўлишидан қатъи назар, уларни енгиш учун Ўзбекистонда имконият етарли, - деди Валерий Непомняший.

Ўзбекистон миллий терма жамоасини бўлажак мундиалга футболчилик даврида жаҳон чемпионатида ғолиб чиққан ва “Олтин тўп”ни қўлга киритган италиялик мутахассис Фабио Каннаваро тайёрлаяпти.

Футболчиларимиз мамлакат тарихидаги биринчи жаҳон чемпионати доирасида дебют учрашувини 18 июнь куни энг кучли терма жамоалардан ҳисобланган Колумбияга қарши ўтказади.

Таъкидлаш жоизки, Португалия ва Ўзбекистон миллий терма жамоалари жаҳон чемпионати гуруҳ босқичининг иккинчи турида ўзаро тўқнаш келади. Бу учрашув 23 июнга белгиланган.

Гуруҳдаги сўнгги баҳс – 27 июнда плей-оффдан муваффақиятли ўтган терма жамоа билан бўлади.

Ҳусанов “ЖЧ-2026”ни бошламай туриб рекорд ўрнатди!

Ўзбекистон улкан ҳурматга лойиқ! Португалия устози Мартинес яна нималар деди?

“Манчестер Сити” Ҳусановнинг жаҳон чемпионатида иштирок этишига қандай муносабат билдирди?

Энди бор умид Шомуродовдан! “Башакшеҳир”да катта йўқотиш

Бу хатодан кейин Гвардиола Ҳусановни асосий таркибга қайтариши шарт

Нури Шахин Шомуродов уни қандай ҳайратга солганини айтди

Ўзбекистоннинг жаҳон чемпионатидаги ғалабасига қандай муносабат бўлди?