Ўзбекистон кубоги. ½ финал босқичига қачон қуръа ташланиши маълум

Осиё Чемпионлар лигаси йўлланмаси ўйналаётган Ўзбекистон кубогида ярим финал иштирокчилари аниқланди: АГМК, “Навбаҳор”, “Насаф”, “Сўғдиёна”. 

Мусобақада ½ финал учрашувлари 13-14 октябрь кунлари бўлиб ўтади. Жамоалар ўз рақибларини 8 сентябрь куни билиб олади. Шу куни Суперлиганинг 18-тури доирасида “Қизилқум” — “Олимпик” жамоалари тўқнаш келади ва беллашув “Спорт” телеканали орқали жонли эфирда намойиш этилади. Мазкур учрашувнинг танаффуси вақтида ярим финалга қуръа ташлаб берилади.

Маълумот учун. Ўзбекистон кубогининг ярим финали ҳам 1 тадан ўйиндан иборат бўлиб, бунда жуфтликлар ҳам, уларда ким мезбон бўлиши масаласи ҳам қуръа ёрдамида аниқлаб олинади.