Ўзбекистон кубоги. "Навбаҳор" - "Насаф": Финал ўйинидан матнли трансляцияни кузатиб боринг

Ўзбекистон кубоги финал баҳсидан ўрин олган "Навбаҳор" - "Насаф" учрашуви старт олди. Мазкур ўйиндан матнли трансляцияни сайтимиз орқали кузатиб боришингиз мумкин. 

• Ўзбекистон кубоги
• Финал

Навбаҳор

• Дониёр Абдуманнопов 58'

1 : 2

30/10/2022 17:00

Насаф

• Акмал Мозговой 29'
• Лима Круз Матеус 100'

Стадион: "Бухоро", 13331 томошабин

Бош ҳакам: Вадим Агишев

Батафсил

• 120+3'
  

  Тугади! "Насаф" қаторасига иккинчи бор кубок соҳибига айланди. "Навбаҳор" - "Насаф" - 1:2.

• 120+2'

  Вазият наманганликларга самара келтирмади.

• 120+2'

  "Навбаҳор"да сўнгги имкон!

• 120+1'

  Ўткир Юсупов ҳам рақиб жарима майдони ичига югурди. Аммо вазият бурчак зарбаси билан якунланди.

• 120'
  

  Учрашувга 2 дақиқа вақт қўшиб берилди.

• 117'

  Уххх. Неъматов сал қолса жиддий хатога йўл қўярди. Аммо вазият қаршиликлар фойдасига якун топди.

• 112'

  "Навбаҳор" ҳисобни тенглаштириш учун астойдил тер тўкмоқда.

• 109'
  

  "Навбаҳор" таркибида ўзгариш. Асадбек Собиржонов ўрнига Жасур Яхшибоев майдонга тушди.

• 107'
  

  Зафармурод Абдираҳматовга сариқ карточка кўрсатилди.

• 106'
  

  Экстра-таймларнинг иккинчисига старт берилди.

• 105+1'
  

  Қўшимча бўлимларнинг биринчиси якунланди. Ҳозирча "Насаф" 2:1 ҳисобида "Навбаҳор"ни таслим этмоқда.

• 105'

   Зоран Марушичнинг зарбасидан сўнг тўпни қаршиликлар посбони Абдувоҳид Неъматов ушлаб олди.

• 104'

  Абдураҳимовнинг зарбаси кучли чиқмади ва Юсупов тўпни қийинчиликсиз ушлаб олди.

• 101'

  Лима ўнг қанотдан жарима майдончаси ичига оширилган тўпни дарвоазага кучли зарб билан аниқ йўллади - 1:2.

• 101'
  

  ГОООООООООООЛ! Лима Круз "Насаф"ни ҳисобда олдинга олиб чиқмоқда. 

• 100'

  Финалнинг роппа-роса 100 дақиқаси ортда қолди.

• 98'
  

  "Насаф" таркибида ўзгариш. Дилшод Саитов ўрнига Зафармурод Абдираҳматов майдонга тушди.

• 95'

  Станоевичнинг узоқдан йўллаган зарбасига аниқлик етишмади.

• 93'

  Номинал меҳмонлар тўпни назорат қилмоқда.

• 91'
  

  Қўшимча таймларнинг биринчисига старт берилди.

• 90+7'
  

  Учрашувнинг асосий вақти якунланди. Ҳозирча ҳисоб - 1:1. Ғолиб номини аниқлаш учун эстра-таймларга мурожаат қилинади.

• 90+2'
  

  Баҳром Абдураҳимов ҳакам томонидан сариқ карточкага лойиқ кўрилди.

• 90'
  

  Асосий вақтга тўхталишлар ўрнини қоплаш мақсадида 4 дақиқа вақт қўшиб берилди.

• 87'

  "Насаф" бош мураббийи Рўзиқул Бердиев асабларини жиловлаб тура олмаяпти. Ўйинда ҳарорат шунчаки "оловли".

• 83'
  

  Бабаян яна бир ўзгаришга қўл урди. Дониёр Абдуманнопов ўз ўрнини Диёр Туроповга бўшатиб берди.

• 81'

  Номинал мезбонлар позицион ҳужум ташкиллаштирмоқда.

• 79'

  Лиманинг узоқдан тепган тўпи Юсуповнинг қўлларига бориб тушди.

• 76'

  Бабаян шогирдлари ажойиб комбинациядан сўнг Неъматовни синаб кўришга қарор қилди. Аммо Абдувоҳид ўз ўрнида.

• 74'
  

  Йован Жокичга сариқ карточка кўрсатилди.

• 74'

  Тўп учун икки жамоа ҳам аёвсиз курашмоқда.

• 71'
  

  "Навбаҳор" таркибида ўзгариш. Даврон Ҳошимов ўрнига Станислав Андреев майдонга тушди.

• 69'
  

  Ашурматов кўп бора курашларга кирмоқда. У бу сафар жиддий жароҳат олгандек кўриняпти.

• 66'

  Қаршиликлар майда паслар билан ҳужум ташкиллаштиришга ҳаракат қилмоқда.

• 63'
  

   "Насаф" таркибида 2 та ўзгариш юз берди. Шароф Муҳитдинов ва Ойбек Бозоров ўрнига Шерзод Насруллаев ҳамда Баҳром Абдураҳимов майдонга туширилди.

• 62'

  Лима ва Юсупов ўзаро келиша олмай қолди. Аммо ҳаммаси жойида. Ҳакам ўйинни давом эттиришга рухсат берди.

• 60'

  Наманганликлар майдон марказида рақибга босим уюштирмоқда.

• 58'
  

  ГООООООООЛ! Дониёр Абдуманнопов ажойиб ҳаракатлари билан ҳисобни тенглаштирмоқда.

• 55'

  Лимадан хавфли зарба. Аммо ҳакам у ўйин қоидаси бузганини қайд этди.

• 54'
  

  Ашурматов тиббий ёрдамга муҳтож.

• 51'

  "Аждарлар" майдон марказида тўп назоратини ўзида сақлаб турибди.

• 48'

  Ашурматов тўпни боши билан дарвозага йўллашга интилди. Лекин унинг зарбасидан сўнг тўп дарвоза тўсини тепасидан ўтиб кетди.

• 47'

  Жокич Мозговойга нисбатан қўполлик ишлатди.

• 46'
  

  Иккинчи бўлим бошланди.

• 45+1'
  

  Биринчи тайм якунига етди. Ҳозирча ҳисоб - 0:1. Олдинда "Насаф"!

• 45'
  

  Биринчи бўлимга 1 дақиқа вақт қўшиб берилди.

• 42'

  Мазговой қулай вазиятда тўпни Бозоровга қолдирди. Ойбекнинг зарбаси ноаниқ чиқди

• 39'

  "Насаф"нинг бурчак зарбасидан ҳужумини Ўткир Юсупов бартараф этди.

• 35'

  Номинал мезбонлар гол уриш учун астойдил ҳаракат қилмоқда.

• 32'

  Голдан сўнг ўйинда темп авжига чиқмоқда. 

• 29'
  

  ГОООООООООООЛ! "Насаф" учрашувда ҳисобни очди. Станоевичнинг заргарона пасидан сўнг Мозговой бўш қолган дарвозани ишғол қилди.

• 28'

  Рўзиқул Бердиев бош ҳакамга нисбатан кескин эътирозлар билдирмоқда.

• 26'

  Қаршиликлар рақибни ўз жарима майдонида "қамал" қилмоқда.

• 25'

  "Насаф" тўп назоратига эгалик қилмоқда.

• 22'

  Ҳозирча футболчиларда майда хатолар кўп кузатилмоқда.

• 19'

  Абдуманнопов ажойиб тарзда рақибини доғда қолдирди. Бироқ унга ўзини таклиф қиладиган шериклари топилмади ва ҳужум тўхтаб қолди.

• 17'

  Ҳошимов Муҳитдиновга нисбатан кескин тарзда ўйин қоидасини бузди.

• 16'

  Станоевичнинг узатмасига аниқлик етишмади. У кўпроқ кучга таянган ҳолда пас беришга қарор қилганди.

• 15'

  Йўқ! Ҳаммаси жойида. Ўйин давом этади.

• 14'

  Дилшод  Саитов жароҳат олган кўринади.

• 12'

  Болтабоевнинг узоқдан йўллаган зарбаси ноаниқ кўриниш олди.

• 9'

  Наманганликлар прессинг эвазига рақибдан тўпни тортиб олди.

• 6'

  Мозговой ўйиндаги илк зарба муаллифи бўлди. Аммо унинг зарбаси ноаниқ кетди.

• 4'

  Марушич Алиқуловга нисбатан ўйин қоидасини бузди.

• 3'

  Жамоалар ўйинни ҳужумкор тарзда бошлади.

• 1'
  

  Учрашувга старт берилди. "Навбаҳор" кўк, "Насаф" қизил рангли либослар остида тўп тепади.

• *'

  Старт учун барчаси тайёр.

• *'

  Стадионда мамлакатимиз мадҳияси янграмоқда.

• *'

  Жамоалар майдонга чиқиб келмоқда.

• *'

  Икки жамоа мухлислари ҳам ўз суюклиларини ажойиб тарзда қўллаб-қувватламоқда.

• *'

  Финал бошланиш арафасида. Кубок стадионга олиб чиқилди.