O‘zbekiston milliy terma jamoasi bugundan mashg‘ulotlarga kirishadi

Xabaringiz bor, "oq bo‘rilar" iyun oyida uchta o‘rtoqlik o‘yini o‘tkazishadi va ushbu uchrashuvlar uchun tayyorgarlikni bugundan boshlaydi.

O‘FA matbuot xizmati tarqatgan xabarga ko‘ra, Ektor Kuper boshchiligidagi milliy terma jamoamizning bugungi mashg‘uloti soat 22:00 da poytaxtimizdagi "Jar" stadionida bo‘lib o‘tadi. Mashg‘ulotning dastlabki 15 daqiqasi OAV vakillari uchun ochiq bo‘ladi.

Ma’lumot uchun, milliy terma jamoamiz 2 iyun kuni Turkiya termasiga qarshi o‘rtoqlik uchrashuvida maydonga tushishadi. Oradan besh kun o‘tib esa Toshkentda KXDR mehmon bo‘lsa, 11 iyunda Suriya bilan o‘rtoqlik o‘yini bo‘lib o‘tadi.