O‘zbekiston MTJ Ar-Riyodda koronavirusga test topshirdi. Natija qanday? - Terma jamoa shifokori ma’lumot berdi

O‘zbekiston milliy terma jamoasi jahon chempionati saralash bahslarini o‘tkazish uchun Saudiya Arabistoniga etib bordi. Ushbu mamlakat markazlashgan saralash bahslariga mezbonlik qiladi.

Vadim Abramov shogirdlari Ar Riyodda koronavirusga test topshirdi. Terma jamoa shifokori Abror Pirriev telegramdagi sahifasida bu haqda ma’lum qildi.

- Mana, Ar-Riyodga ham etib keldik. Kecha – ushbu yig‘inga yig‘ilganimizdan buyon beshinchi marotaba koronavirusga test topshirdik; barchada natijalar “negative”, - dedi Abror Pirriev.

Bosh jamoamiz ilk bellashuvni 7 iyun kuni boshlaydi. Shu kuni hamyurtlarimiz Singapur bilan o‘ynaydi.

"JCh-2022" saralash bosqichi. D guruhi

7 iyun. O‘zbekiston – Singapur. 23:00

11 iyun. Yaman – O‘zbekiston. 23:00

15 iyun. Saudiya Arabistoni – O‘zbekiston. 23:00.

O‘zbekiston milliy terma jamoasi 5 o‘yindan so‘ng guruhda Saudiya Arabistondan keyingi 2-o‘rinda bormoqda. Vadim Abramov shogirdlari hisobida 9 ochko mavjud.