Ўзбекистон МТЖ бош мураббийлигига "Челси" ва "Тоттенхэм"ни бошқарган машҳур мутахассиснинг ҳам номзоди илгари сурилган!

Ўзбекистон миллий терма жамоаси жаҳон чемпионати 2-саралаш босқичидан ўта олмаганидан сўнг Вадим Абрамов ўрнини Сречко Катанец эгаллади. Словениялик мутахассис 2021 йилнинг ёзида терма жамоа бошқарувига тайинланганди.

Унгача эса ЎФА бир нечта номзодларни кўриб чиқди. Улар орасида "Челси", "Тоттенхэм", "Зенит", "Шанхай СИПГ" ҳамда "Марсель" клубида мураббийлик қилган Андре Виллаш-Боаш ҳам бор эди. Бу ҳақда ЎФА терма жамоалар бўлимининг собиқ раҳбари Азизбек Ҳайдаров SPORTS.uz сайтига берган интервьюсида маълум қилди.

- Номзод мураббийлар кўп бўлган, яхши мутахассислар эди. Шунга яраша нархлари ҳам баланд бўлган. Масалан, португалиялик Андре Виллаш-Боаш ҳам номзодлар орасида бор эди, - деди Азизбек Ҳайдаров.

Фикрлар

Фикр қолдириш учун авторизациядан ўтинг!