Ўзбекистон МТЖнинг ЖЧ-2022 саралашидаги Яман, Сингапур ва Саудияга қарши ўйинлари қачон ўтказилади?

Бироз аввал ОФК март ойида ЖЧ-2022 ва Осиё кубоги-2023 қўшма саралашидан ўрин олган 4 та ўйин ўтказилишини, улар орасида Ўзбекистон иштирокидаги учрашув йўқлигини маълум қилганди.

ОФК март ойида ЖЧ-2022 саралашидан ўрин олган 4 учрашув ўтказилишини эълон қилди. Рўйхатда Ўзбекистоннинг ҳам ўйини борми?

Режалаштирилган 31 беллашувдан атиги 4 таси бўлиб ўтади. Қолган 27 таси июнь ойига кўчирилди. Натижада, ФИФА июнда икки ҳафта ичида 59 та ўйин ўтказади.

25 март куни Ар Риёдда Саудия Арабистони термаси Яманни қабул қилади. Айтганча, Яман - Ўзбекистон ўртасидаги баҳс расман июнь ойига кўчирилмаган, - дея хабар берди таниқли мутахассис Алишер Никимбаев телеграмдаги саҳифасида.

Шунингдек, Никимбаев июнь ойида гуруҳда ғолиб бўлиш учун икки номзоднинг ўйинлари тақвими қандай кўринишда бўлишини маълум қилди.

7 июнь
Яман - Ўзбекистон (ўйин ҳали ҳам март ойида ўтказилиши мумкин)
Сингапур - Саудия Арабистони

11 июнь
Ўзбекистон - Сингапур
Саудия Арабистони - Фаластин

15 июнь
Саудия Арабистони - Ўзбекистон