O‘zbekiston MTJning yakuniy tarkibi qachon e’lon qilinadi – O‘FA vakilidan javob

Xabaringiz bor, 30 sentyabr kuni O‘zbekiston milliy terma jamoasining kengaytirilgan tarkibi e’lon qilindi. Unga ko‘ra Vadim Abramov 28 futbolchini yig‘inga jalb etgani ma’lum bo‘ldi.

“Jar” stadionida vakillarimiz bir necha kundan beri mashg‘ulotlar olib borishmoqda. JCh-2022 saralashidan o‘rin olgan Yamanga qarshi bellashuvga ham vaqt oz qolmoqda. Shu bois ko‘pchilikda terma jamoamizning yakuniy tarkibi qachon e’lon qilinadi degan savol paydo bo‘lmoqda. Biz esa shu savol bilan “SPORTS.uz haftasi” ko‘rsatuvida O‘FA matbuot xizmati rahbari Davron Fayzievga murojaat qildik.

Taniqli sharhlovchi esa 6 oktyabrda olimpiya terma jamoamizga qarshi o‘rtoqlik uchrashuvidan so‘ng O‘zbekiston milliy terma jamoasining yakuniy tarkibi aniq bo‘lishi va shundan keyin 23 futbolchidan iborat qaydnoma e’lon qilinishini aytdi.