Ўзбекистон Про-лигаси. "Андижон" супер натижа қайд этмоқда
"Андижон" жамоаси бу мавсум Про-лига баҳсларида ажойиб кўрсаткич билан пешқадамлик қилмоқда. Айни пайтда ортда қолган 18 турдан сўнг Виктор Кумиков шогирдлари 43 очко билан етакчи бўлиб турибди.
Эътиборлиси, "бургутлар" кетма-кет 7 ўйиндан бери фақат ғалаба қозониб келмоқда. Охирги марта клубдан "Янгиер" жамоаси очко тортиб олишга муваффақ бўлган. Ушбу жамоалар ўртасидаги баҳсда 0:0 ҳисоби қайд этилганди.
Шунингдек, андижонликлар 15 беллашувдан бери ютқазмасдан келяпти. Сўнгги бор жамоа 3-турда "Хоразм"га йирик 0:3 ҳисобида мағлуб бўлганди. Шундан сўнг ўтказилган 15 та ўйинда 12 ғалаба ва 3 дуранг қайд этилган.
Фикрлар