Ўзбекистон терма жамоаси билан музокаралар ўтказаётган испаниялик мутахассис иштирокида матбуот анжумани ташкил этилади

Юртимизда ўтказиладиган футзал бўйича Жаҳон чемпионатига юқори савияда тайёргарлик кўриш мақсадида Ўзбекистон футбол ассоциацияси испаниялик таниқли мутахассис,  футзал оламининг энг кучли мутахассисларидан бири Хосе Венансио Лопес билан музокаралар ўтказиши ҳақида хабар берилган эди.

Ташкилот матбуот хизматининг хабар беришича, бугун Хосе Венансио Лопес иштирокида матбуот анжумани ташкил этилади. Унда Хосе Венансио Лопес билан музокаралар натижаси эълон қилинади ҳамда терма жамоамизнинг кейинги режалари ҳақида маълумот берилади.

Матбуот анжумани соат 16:00 да ЎФА мажлислар залида ўтказилади.