Ўзбекистон терма жамоаси Эронга қарши ўйнайди

Футзал бўйича Осиё чемпионатида иштирок этадиган Ўзбекистон терма жамоаси тайёргарлик режасига асосан, октябрь ойида ўқув-машғулот йиғини ўтказади.

Ўзбекистон футбол ассоциацияси матбуот хизмати тарқатган хабарга кўра, Баҳодир Aҳмедов бошчилигидаги терма жамоа мазкур йиғин доирасида Эрон вакилларига қарши иккита ўртоқлик ўйинида майдонга тушади.

Ушбу учрашувлар 7-8 октябрь кунлари пойтахтимиздаги “Ўзбекистон” спорт мажмуасида бўлиб ўтади.