Ўзбекистон футбол ассоциацияси турли ёшдаги терма жамоалар учун бўлажак мусобақаларга муносиб тайёргарлик олиб бориш учун  барча шарт-шароитларни яратиб беришда давом этади. Аввалроқ, Ўзбекистоннинг U-21 ва U-14 терма жамоалари Хитойдаги халқаро мусобақада иштирок этиши ҳақида хабар бериб ўтгандик.

 

Отабек Ғуломхўжаев мураббийлигидаги Ўзбекистон U-18 терма жамоаси октябрь ойида Испаниянинг Малага шаҳрида ўтказиладиган халқаро мусобақада қатнашади. 

 

Ушбу мусобақада Ўзбекистон Ўзбекистон U-18 терма жамоаси 3 та баҳсда майдонга тушади. 10 октябрь куни биринчи баҳсда вакилларимизга Франция U-18 терма жамоаси рақиблик қилса, 13 октябрь куни Белгияга қарши баҳс олиб борилади. Мусобақадаги сўнгги ўйин 15 октябрь куни Шотландия U-18 терма жамоасига қарши бўлиб ўтади.

 

10 октябрь Франция U-18 – Ўзбекистон U-18

 

13 октябрь Ўзбекистон U-18 – Бельгия U-18

 

15 октябрь Ўзбекистон U-18 – Шотландия U-18