Ўзбекистон терма жамоасига номзод футболчилар тиббий ва жисмоний кўрикдан ўтказилмоқда

Ўзбекистон терма жамоасига номзод футболчиларнинг тиббий ва жисмоний кўрикдан ўтказилиши давом этмоқда. Бу ҳақда Ўзбекистон футбол ассоциацияси (ЎФА) матбуот хизмати маълум қилди.

Хабарда айтилишича, бугун ҳам миллий терма жамоага номзод футболчилар тиббий ва жисмоний кўрикдан ўтказилди. Мураббийлар штаби уларнинг жисмоний ҳолати, соғлиғи ҳамда функционал кўрсаткичларини батафсил таҳлил қилиб, қайд этиб бормоқда. Режага кўра, эртага ҳам тиббий ва жисмоний кўрик ишлари давом эттирилади.

Маълумот учун, Фабио Каннаваро шогирдлари Жаҳон чемпионатининг "К" гуруҳидан ўрин олган бўлиб, Португалия, Колумбия ҳамда Конго / Янги Каледония / Ямайка жамоалари билан баҳс олиб боради.