Ўзбекистон U-17 термаси ўртоқлик ўйинида йирик ҳисобдаги ғалабани қўлга киритди

Тошкентдаги "Локомотив" ўйингоҳида Ўзбекистон ва Яман 17 ёшли футболчилари ўртасида ўртоқлик ўйини бўлиб ўтди. Унда вакилларимиз йирик 5:1 ҳисобида ғалаба қозонди. 

Ҳамюртларимиз сафида голларга Ал-Ҳаж (автогол), Лазиз Мирзаев, Қувончбек Абраев (пенальти) ва Дилшодбек Абдуллаев муаллифлик қилди. Рақибларимизнинг ягона голини Аббас Али Басарреа киритди. 

Эслатиб ўтамиз, ушбу ёш тоифасидаги футболчиларимиз 15 июндан 2 июлга қадар давом этадиган U-17 Осиё кубогида иштирок этади. Унда вакилларимиз Япония, Ҳиндистон ва Вьетнам билан бирга "D" гуруҳидан жой олган. 

Қайд этиш керак, Бангкок ва Чонбурида бўлиб ўтадиган финал босқичи ўйинлари қўшимча равишда FIFA U-17 Жаҳон чемпионатига саралаш ҳам ҳисобланади.