O‘zbekiston va Misr OTJlari o‘rtasidagi Andijonda bo‘ladigan o‘rtoqlik uchrashuvi jonli efirda namoyish etiladi

Xabaringiz bor joriy yilning 9 va 11 iyun kunlari O‘zbekiston olimpiya terma jamoasi Misr olimpiya terma jamoasiga qarshi 2 ta o‘rtoqlik uchrashuvi o‘tkazadi. E’tiborlisi, ushbu bahslarning har ikkalasi ham vodiyda bo‘lib o‘tadi.

Dastlab ushbu jamoalar 9 iyun kuni Andijonda maydonga tushishadi. “Sport” telekanali o‘zining telegramdagi rasmiy kanalida e’lon qilgan dasturga asoslanib aytadigan bo‘lsak, shu kuni “Sog‘lom Avlod”  o‘yingohida bo‘lib o‘tadigan bahs muxlislar e’tiboriga jonli efirda namoyish etiladi.

Eslatib o‘tamiz, O‘zbekiston va Misr olimpiya terma jamoalari o‘rtasidagi dastlabki uchrashuv 9 iyun kuni soat 18:45da boshlanadi.