Ўзбекистонда яна хорижга кетиши мумкин бўлган ўйинчилар борми?

Қатарда ўтказилган икки йирик футбол анжумани – 2022 йилги жаҳон чемпионати ва яқинда якунланган Осиё кубоги мусобақаларида менежер сифатида масъул вазифаларни бажарган ўзбекистонлик мутахассис Алишер Никимбаев  metaratings.ru сайтига берган интервьюсида етакчи футболчиларимиз ҳақида ҳам ўз фикр-мулоҳазаларини билдириб ўтди.

Sports.uz портали ўзбекистонлик футбол ишқибозлари эътиборига интервьюнинг энг қизиқарли қисмларини ҳавола этади.

–  Аббосбек Файзуллаев Элдор Шомуродовнинг даражасидан ўтиб кета оладими?

– Агар Аббос Элдордан бир неча йил эрта бошқа чемпионатга ўтганини инобатга олсак, ҳа, ўтиб кета олади. Шомуродов – ўрта чизиққа боғланиб қолган ўйинчи, Аббос эса, креативроқ ва ўзи ҳамма нарсани мустақил тарсда уддалай олади.

Файзуллаевнинг истиқболи  кўпроқ. Шомуродов қатъиятлилиги ва меҳнатсеварлиги билан кучли. Элдор ўз даврининг энг истеъдодли ўйинчиси бўлмаган, лекин жуда катта нарсаларга эриша олди. Энди ҳамма нарса ҳам фақат Аббоснинг футболдаги сифатларига боғлиқ эмас, буюк карьера учун салоҳияти етишига умид қиламан.

– Шомуродовнинг йўқлиги терма жамоага жиддий таъсир ўтказдими?

– Ҳа, жамоа ҳужумда хавфли бўлмай қолди. Олдинги чизиқда ўзгаришлар қилиш имкони йўқолди, жамоа ҳужумчисиз ўйнади.

Биз умуман бошқа Ўзбекистон терма жамоасини кўрдик, қолаверса, ҳали етарли даражада ўйнаб улгурмасида яна бир ҳужумчи – Игорь Сергеев ҳам сафдан чиқди. Энг асосий учрашувларда, олдинги чизиқда курашиш талаб этилган ҳақиқий ҳужумчилар керак бўлган паллада ярим ҳимоячилар ўйнади.

– Россияда кўпчилик Остон Ўруновни ҳам кузатарди. У ишончни оқлай олмадими?

– Шомуродовнинг йўқлиги кўп нарсани ўзгартирди. Футболчиларнинг майдондаги роли ўзгариб кетди. Чунки ҳужумчи йўқ эди. Ҳа, Остон ишончни кутилган даражада оқлай олмади, лекин ҳафсалани пир қилгани ҳам йўқ. Яхшироқ ўйнаши ва ҳаракат қилиши мумкин эди.

Бу турнир тўрт йилда бир ўтказилади ва уни ҳамма сабрсизлик билан кутади.  Ўрунов ортиқча умидларни оқлагани йўқ. Унинг даражаси шу. Ҳозир у Эрон чемпионатидаги ўтди, ўша ёрда қандай ўйнашини кузатамиз.

– Ўзбекистонда яқин келажакда хорижга кетиши мумкин бўлган ўйинчилар борми?

– Бир йил олдин Аббосбек Файзуллаевни ҳеч ким билмас эди. Ҳозир у Россияда машҳур футболчига айланган.

Яхши ўйинчилар кўп, фақат бу футболчиларни тарбиялаш ва улар билан ишлаш лозим.

Шомуродов ҳақида яхши хабар!