Ўзбекистондан нега Осиё ўйинлари мезбонлиги олиб қўйилгани маълум бўлди

Осиё Олимпия Кенгаши 2025-йилги ёшлар ўртасидаги Осиё ўйинлари Баҳрайнда ўтказилишини эълон қилди.​

2 декабрь куни Ижроия кенгашининг онлайн йиғилишида Ўзбекистон Миллий олимпия қўмитаси ООКга хат йўллагани маълум бўлди. Хатда Тошкентдаги Олимпия шаҳарчасининг қурилиши ўз вақтида якунланмаслиги сабабли 2025 йилнинг сентябрида режалаштирилган турнирни ўтказа олмасликлари айтилган.

Баҳрайн Олимпия қўмитаси спорт иншоотлари, турар жой ва тиббий хизматлар жиҳатидан мазкур мусобақани ўтказишга тайёр эканлигини билдирди. Қўмита бош котиби Фарис Ал Куҳежи ёшлар ўртасидаги Осиё ўйинлари раҳбарият, айниқса Баҳрайн Олимпия Қўмитаси президенти Шайх Холид бин Ҳамад Ал-Халифа томонидан тўлиқ қўллаб-қувватланишини таъкидлади.

Йиғилишда, шунингдек, Баҳрайн октябрь ойида Халқаро мактаб спорт федерацияси томонидан ўтказилган 2024 йилги Гимназиядаги муваффақиятли мезбонлик қилгани, унда 5000 дан ортиқ иштирокчи, жумладан 4000 нафар спортчи қатнашгани маълум қилинди.

​OОК Ижроия кенгаши 2025 йилги ёшлар ўртасидаги Осиё ўйинларининг Баҳрайнда ўтказилишини бир овоздан маъқуллади ҳамда Ўзбекистон Миллий Олимпия қўмитасига барча саъй-ҳаракатлари учун миннатдорчилик билдириб, Ўзбекистоннинг келажакда йирик тадбирларга мезбонлик қила олишини таъкидлади.