Ўзбекистонлик боксчи тўрт йиллик танаффусдан сўнг яна жанг қилади
Профессионал боксда фаолият юритиб, 5 та серияли ғалабадан сўнг, 4 йил танаффусда бўлган юртдошимиз Ботирали Мамажонов яна рингга қайтмоқда. У 8 май куни АҚШнинг Флорида штатида ташкил этилаётган жанг оқшомида, биринчи оғир вазн тоифасида рингга кўтарилади. Мазкур жангда Мамажоновга ким рақиблик қилиши ҳозирча маълум эмас.
Биз ҳамюртимиз билан боғланиб, ушбу жанг ва фаолиятига оид фикрлари билан қизиқдик...
- Ҳозирда жангга тайёргарлик олиб бормоқдамиз. Узоқ танаффусдан сўнг рингга қайтмоқдаман. Очиғи бироз қийин бўлади, деб ўйлаган эдим. Лекин спарринглар яхши давом этмоқда. Рақиб борасида бир неча вариантларни кўриб чиқмоқдамиз. Яқин кунлар ичида аниқ бўлади", - дейди Мамажонов.
Маълумот учун, Ботирали Мамажонов сўнгги жангини 2016 йил 14 октябрда ўтказиб, Ларри Харрисни техник нокаут билан мағлуб этганди.
Фикрлар