Ўзбекистонлик самбо бўйича жаҳон чемпионлари 10 000 АҚШ доллари билан тақдирланди

Сўнгги йилларда мамлакатимизда жисмоний тарбия ва оммавий спортни ривожлантириш, ёш, иқтидорли спортчиларни саралаб олиш ва уларни халқаро мусобақаларга тайёрлаш масаласига алоҳида эътибор қаратилмоқда. Шу билан бирга халқаро спорт ареналарида ватанимиз байроғини юксакларга кўтариб келаётган иқтидорли спортчиларни рағбатлантиришга ҳам устувор йўналишлардан бири сифатида қаралмоқда.
 
Ўтган йилнинг 3-9 ноябрь кунлари Сербиянинг Нови-Сад шаҳрида спортнинг самбо тури бўйича ўтказилган жаҳон чемпионатида юқори натижа қайд этган спортчилар ва уларнинг мураббийларини тақдирлаш тўғрисида Ўзбекистон Республикаси Вазирлар Маҳкамасининг фармойиши қабул қилинди.

Фармойишга кўра, олтин медални қўлга киритганлиги учун:

Боқиев Баҳодир Нарзуллаевич ҳамда Ҳамроев Давлатжон Алишер ўғли 10 000 АҚШ доллари билан,

Кумуш медални қўлга киритганлиги учун:

Оғажонова Ибодатхон Лочинбек қизи;

Ёқубов Неъмат Исоқ ўғли;

Рўзиев Фурқат Искандарович;

Саидаматов Лутфулла Хайрулла ўғли 5 000 АҚШ доллари билан,

Бронза медалини қўлга киритганлиги учун:

Гадоев Дилшод Аслам ўғли;

Ерназаров Сарбон Солижон ўғли;

Зияева Гулноза Мавлонкуловна;

Рахмонов Улуғбек Авазжон ўғли 2 500 АҚШ доллари миқдоридаги пул мукофоти билан тақдирланади.

Шунингдек, тайёрлаган спортчилари олтин медални қўлга киритганлиги учун Аҳмедов Умид Хамроқулович ҳамда Жўраев Фарҳод Ашуровичлар 3 000 АҚШ доллари билан, шогирдлари кумуш медални қўлга киритганлиги учун:

Аҳмедов Абдуғани Ҳамроқулович;

Жўрақулов Худойназар Ражабович;

Қорабоев Жаҳонгир Содиқович;

Расулов Баҳром Нариманович 1 500 АҚШ доллари билан ҳамда шогирдлари бронза медалини қўлга киритганлиги учун Асроров Сардор Меҳрож ўғли, Халикова Хуршида Нарзуллаевна, Гулямов Равшан Тоирович ҳамда Шакиров Роман Ильдаровичларнинг ҳам ҳар бири 1 000 АҚШ доллари миқдоридаги бир марталик пул мукофотлари билан тақдирланадилар.

Манба:minsport.uz

Фикрлар

Саралаш
Фикр қолдириш учун авторизациядан ўтинг!
Ziyoviddin Usmanov
12/04/2021 23:46
Shuni bulsa xam berishibdiku
Жавоб ёзиш