Ўзбекистонлик яна бир спортчи Париж-2024 Олимпиадасига лицензияни қўлга киритди (Фото)

Спорт курашлари бўйича Ўзбекистон терма жамоаси Сербияда ўтаётган жаҳон чемпионатида навбатдаги медаль ва Париж-2024 Олимпиадаси йўлланмасини қўлга киритди. Бу ҳақда МОҚ матбуот хизмати хабар берди.

-60 кг вазн тоифасида кураш олиб борган Исломжон Баҳромов ана шундай ютуқлар билан юртимизга қайтадиган бўлди.

Ҳамюртимиз ўтиш босқичида грузиялик Придон Aбуладзени, бронза медали учун баҳсда эса эронлик Меҳди Муҳсиннажодни мағлубиятга учратишга эришди. Шу тариқа, терма жамоамизнинг мазкур мусобақадаги медаллари 2, Париж-2024 лицензиялари эса 3 тага етди.