Ўзбекистоннинг плей-оффдаги рақиби Исроил жаҳон чемпионатига сенсация қилиш учун келган!

Аргентина мезбонлик қилаётган 20 ёшгача футболчилар ўртасидаги жаҳон чемпионатида гуруҳ баҳсларидан муваффақиятли ўтган жамоалар плей-офф босқичига тайёргарлик кўрмоқда.

А гуруҳида тўрт очко жамғарган ҳолда иккинчи ўринни эгаллаб, гуруҳ босқичидан ўтиб олган Ўзбекистон терма жамоаси нимчорак финалда Европа вакили – Исроил футболчилари билан рақобатлашадиган бўлди.

1678959356.8555

Исроилликлар С гуруҳидан чиқди. Худди ўзбекистонликлар каби бу терма жамоа учта ўйинда биттадан ғалаба, дуранг ва мағлубият қайд этиб, тўрт очко жамғарди ва иккинчи поғонадан жой олиб, мусобақани давом эттирадиган бўлди.

Ўзбекистон терма жамоаси чорак финал йўлланмаси учун ушбу жамоа билан тўқнаш келишини инобатга олиб, Исроил термаси ҳақидаги маълумотларни эътиборингизга ҳавола этамиз:

Исроил футболчилари Аргентина мезбонлик қилаётган жаҳон чемпионати йўлланмасини 2022 йили 19 ёшгача бўлган футболчилар ўртасидаги Европа чемпионатида қўлга киритган. Словакия мезбонлик қилган қитъа биринчилигида бу жамоа финалгача етиб келди.

Чемпионлик жангида улар  замонавий футбол ватани – Англия вакилларига имкониятни бой бериб қўйди. Шунга қарамай, исроилликлар жаҳон чемпионати йўлланмасини нақд қилиб улгурганди.

                                          *                                            *                                            *              

Жамоага Офир Хаим бош мураббийлик қилмоқда. Европа чемпионатида шов-шувли натижа қайд этган мутахассис энди жаҳон миқёсида сенсация қилишни кўзламоқда.

Хаим баҳсларда 4-2-3-1 схемасидан фойдаланишни хуш кўради. Шогирдлари тўпни доимий назорат қилиши, тез ва мақсадли ҳужум уюштиришини талаб қилади. Ўзи ҳужумчи бўлган Офир Хаим Исроил лигаларида муваффақиятли ўйнаган. 2004 йили миллий чемпионат тўпурари бўлган.

                                           *                                            *                                            *              

Жамоанинг асосий ўйинчиси Эль Ям Канчепольскидир.  Бу ўйинчи совуққонлиги, тактик интеллекти яхши ривожланганлиги ва тўпни яхши назорат қила олиши билан ажралиб туради. Исроил жамоаси темпини айнан мана шу футболчи белгилайди.

19 ёшли футболчи ўтган йили Европа чемпионати ярим финалида Франция терма жамоаси дарвоўасини ишғол қилиб, жамоасини финалга олиб чиққанидан кейин мутахассислар эътиборига тушди.

Канчепольски ўйин услуби жиҳатидан Серхио Бускетс ва Андрес Иньестага тақлид қилади.

                                            *                                            *                                            *              

Исроилликларнинг яна бир истеъдодли ўйинчиси сифатида Илай Мэдмон келтирилмоқда. Жисмонан бақувват ярим ҳимоячи майдонда ўзини жуда хотиржам тутади. Унинг яна бир устунлиги тактик схемаларда асосий ролни ижро эта олишидир. Мэдмон ўтган йилги қитъа биринчилигида терма жамоага сардорлик қилди.                

Аргентинадаги жаҳон чемпионатида Исроил терма жамоаси вакилларидан Дор Тургеман, Рой Нави, Омер Сениор рақиблар дарвозасига биттадан тўп киритди.

568edf37c5e7d875ad3adcd35dcbd023

                                            *                                            *                                            *   

Чорак финалга чиқиш учун Ўзбекистон ёшларига рақиблик қиладиган Исроил терма жамоаси 20 ёшгача бўлган футболчилар ўртасидаги жаҳон чемпионатида илк маротаба иштирок этмоқда.

                                            *                                            *                                            *  

Ўзбекистон ва Исроил терма жамоалари ўртасидаги учрашув 31 май куни тунги 02:00 да бошланади.  

“Специя” бош мураббийи Шомуродовни Торино”га қарши нега ўйнатмаганини айтди!

Ўзбекистонни гуруҳдан олиб чиққан Неъматжонов Месси олган совринга даъвогар!

Ўзбекистон – Янги Зеландия: Ҳал қилувчи ўйин олдидан муҳим фактлар!

Машарипов ҳам Роналдудан фойдаланиб қолиши керак...

Премьер-лига билан хайрлашган легионеримиз фаолиятини қаерда давом эттиришини айтди

Баҳайбат футболчи тезликда Шомуродовга етиб олди

Шомуродов ва Нзола "Милан"га қарши жасорат кўрсатиши керак!

 

Фикрлар

Фикр қолдириш учун авторизациядан ўтинг!
BAKR ABU
30/05/2023 23:04
Бу харомилар ута тажовускор уйнеди мусулмонларга болар омад буларни ютмасанглар булмайди яхудларни Аллох им узин кулагин
&
Saidjonn
28/05/2023 17:27
Bu yaxudiylarni yutamaiz xudo xoxlasa olga yigitlar