Ўзил "Арсенал"да янги натижасини қайд этди

Лондоннинг “Арсенал” клуби ярим ҳимоячиси Месут Ўзил кеча “Милан”га (2:0) қарши баҳсда жамоасининг иккалага голига ҳам ассистентлик қилди.

Эътиборлиси, 29 ёшли германиялик футболчи шу тариқа “канонирлар” сафидаги “гол+пас” тизимида 100талик довондан ошди. Таъкидлаш керакки, Ўзил “Арсенал” либосида ўтган давр мобайнида ўз ҳисобига 37та гол ҳамда 63та голли узатма ёздириб қўйишга эришган.

Эслатиб ўтамиз, Месут Ўзил “Арсенал” сафига 2013 йил Мадриднинг “Реал” клубидан кўчиб ўтган эди.