Пабло Сарабия Қатар клубига ўтди

Пабло Сарабия Қатарнинг "Ал-Араби" клубига ўтди. Янги жамоага эркин агент сифатида келиб қўшиладиган 33 ёшли футболчи билан икки йиллик шартнома имзолангани расман эълон қилинди.

Ўтган 2024/25 йилги мавсумда Сарабия Англиянинг "Вулверхэмптон" жамоасида ўйнади ва барча турнирларда 28 та ўйин ўтказиб, учта гол урди ва иккита голли узатмани амалга оширди.

Фаолияти давомида испаниялик футболчи ПСЖ, "Спортинг", "Севилья", "Хетафе" клубларида ўйнаган. Испания терма жамоаси таркибида у 20 дан ортиқ ўйин ўтказган ва Евро-2020 да иштирок этган.