Палмер: "Бизда ПСЖга қарши ажойиб режа бор"

Якунланиб бораётган клублар ўртасидаги Жаҳон чемпионати финалида "Челси" ва ПСЖ ўзаро беллашади. Лондон жамоасининг ярим ҳимоячиси Коул Палмер бўлажак тўқнашув ҳақидаги фикрлари билан ўртоқлашди.

- Албатта, ўзимизга ишонамиз. Бу қийин ўйин бўлишини биламиз, аммо бу финал-ку. Биз ҳаяжонланяпмиз. Биласизми, энг кучлилар билан ўйнашни хоҳлайсиз, ПСЖ эса эҳтимол дунёдаги энг яхши жамоадир. Бироқ, биз бунга тайёрмиз. ПСЖнинг ўйинларини кузатдик, улар ҳамма нарсани жуда яхши бажаришади. Лекин бизда ажойиб режа бор. Уни амалга оширишга ҳаракат қиламиз, - деди Палмер.

Мареска жамоаси мавсумдаги иккинчи совринни қўлга киритиши мумкин - аввалроқ лондонликлар Коференциялар Лигасида чемпионликни қўлга киритган эди.