Панамага қарши ўйинда гол ва ассист қайд этган Абубакр Шукуриллаев ғалабага изоҳ берди

Қатар мамлакатида 17 ёшгача бўлган футболчилар ўртасида Жаҳон чемпионати давом этмоқда. Бугун Ўзбекистон U-17 терма жамоаси Панамага қарши ўйинда 6:1 ҳисобида ғалаба қозониб, плей-оффга йўл олди. Учрашувдан сўнг Абубакр Шукуриллаев ўз фикрларини билдирди.

"Ассалому алайкум ҳаммага. Панамага қарши ўйин ҳақида гапирадиган бўлсам, биринчи таймда жамоамизнинг ўйини чиқмади ва ўз ўйинимизни кўрсата олмадик. Танаффусда эса мураббий Ислом Исмоилов бизга мотивация бердилар. Иккинчи таймда ўзимизни қўлга олиб майдонга чиқдик ва 6 та гол уришни уддаладик. Биз Осиё мусобақасида Ватан учун, ота-оналаримиз ва мураббийларимиз учун ҳаракат қилдик. Бу Жаҳон чемпионатида эса олдин айтганларимга яна битта нарса қўшилди. Уни чемпион бўлганимиздан кейин айтаман", — деди футболчи.