Паншанбенинг голи Япониядан очко олишга етмади

Жаҳон Чемпионати саралаш босқичидан ўрин олган учрашувлар давом эттирилмоқда. "F" гуруҳида иштирок этаётган Япония Тожикистонни 4:1 ҳисобида мағлубиятга учратди.

Дастлаб, мезбонлар вакили Кёго Фурухаси тезкор голи билан ҳисобни очган бўлса, "Навбаҳор" ярим ҳимоячиси Эхсони Паншанбе орадаги фарқни йўққа чиқарди. Бўлим якунига қадар Такуми Минамино тарози паллаларини жамоаси томонга ўзгартирди. Иккинчи таймда Кэнто Хасимото ҳамда Кавабэ Хаяонинг голлари ҳисоб йирик кўринишга келишига сабаб бўлди.

Шундай қилиб, кетма-кет 7-ўйинда ғалаба қозонган Япония очколари сонини 21 тага етказиб олган ҳолда, пешқадамликни мустаҳкамлади. 10 очко жамғарган Тожикистон 2-ўринда жойлашган.