Пара стол теннисчиларимиз Финляндиядаги халқаро мусобақада иштирок этади

7-11 сентябрь кунлари Финляндиянинг Настола шаҳрида пара стол тенниси бўйича “Finland Para Open 2022” халқаро мусобақаси бўлиб ўтади.

Бугун пара стол тенниси бўйича Ўзбекистон терма жамоаси аъзолари ҳам ушбу нуфузли мусобақада иштирок этиш учун Финляндияга жўнаб кетди.

“Finland Para Open 2022” турнирида Расул Атамуратов ҳамда Сунатилло Муродуллаев юртимиз шарафини ҳимоя қилади.