Паралимпия. Пара каратэни ривожлантириш истиқболлари муҳокама қилинди

Шу кунларда Тошкентда каратэ бўйича Осиё чемпионати бўлиб ўтмоқда. Ушбу нуфузли мусобақа давомида пойтахтимизда бир қатор мартабали шахслар меҳмон бўлиб турибди.

Жумладан, Бутунжаҳон каратэ федерацияси президенти Антонио Эспинос ҳамда Осиё каратэ федерацияси президенти, генерал-майор Насир Ал Разуқи бугун Ўзбекистон Миллий паралимпия қўмитасига ташриф буюрди.

Қўмита раҳбарияти билан самимий руҳда кечган суҳбат давомида қитъада пара каратэ спорт турини ҳам оммалаштириш бўйича фаол ишлар олиб борилаётгани ҳамда бу борада ўзаро ҳамкорликни ривожлантириш масалалари муҳокама қилинди.

Учрашув якунида мартабали меҳмонларга қўмитанинг эсдалик совғалари топширилди.