Паралимпия. Рухшона Ўктамова жаҳон кубогида жаҳон рекордини янгилади!

Хабар берганимиздек, шу кунларда Грузия пойтахти Тбилиси шаҳрида пара пауэрлифтинг бўйича жаҳон кубоги бўлиб ўтмоқда.

Биз учун аҳамиятлиси, бундан бироз аввал ёшлар ўртасида -61 кг вазн тоифасида баҳсларга киришган ҳамюртимиз Рухшона Ўктамова 109 кг натижа қайд этган ҳолда олтин медални қўлга киритди. 

Эътиборли жиҳати, вакилимиз ушбу натижа орқали ўзига тегишли бўлган ёшлар ўртасидаги жаҳон рекордини ҳам бир килограммга янгилашга муваффақ бўлди.