Паредес Аргентина ва Британия ўртасидаги ҳудудий низо ҳақида фикр билдирди

Аргентина терма жамоаси яримҳимоячиси Леандро Паредес Англияга қарши ўйиндан сўнг Мальвин ороллари ҳақидаги баннер юзасидан фикр билдирди. Унга кўра, ушбу ороллар ҳар доим Аргентина ҳудуди ҳисобланади. Паредеснинг интервьюдан парча El Destape нашри томонидан эълон қилинди.

«“Мальвинас – аргентинскими?” деган ёзувли баннерми? Улар ҳар доим аргентинаники бўлиб қолади», – деди Паредес.

 Аргентина терма жамоаси жаҳон чемпионати яримфиналида Англия устидан қозонган ғалабани айнан шу шиор туширилган баннер билан нишонлаган. Унда «Мальвинас – аргентинскими» деган ибора ёзилган эди. Шу ҳаракати учун аргентиналик футболчилар турли жазоларга – жаримадан тортиб футбол билан боғлиқ ҳар қандай фаолиятни тақиқлашгача дуч келиши мумкин.

Аргентина ва Буюк Британия ўртасидаги ҳудудий низо

Икки давлат ўртасида Фолкленд (Мальвин) ороллари юзасидан кўп йиллик ҳудудий баҳс давом этмоқда. Аргентина бу ҳудудларни Испаниядан мустақилликка эришгандан сўнг мерос тариқасида ўзига тегишли, деб ҳисоблайди ва 1833 йилда ўрнатилган Британия назоратини тажовуз сифатида баҳолайди. Масала бир неча бор Бирлашган Миллатлар Ташкилоти (БМТ) минбарига олиб чиқилган.

1982 йилда эса низо очиқ урушга айланиб, европаликлар ғалабаси билан якунланган. Аргентина ҳозиргача БМТ механизмлари орқали ороллар устидан Британия ҳукмронлигини қайта кўриб чиқишга уриниб келмоқда. Бироқ шу кунга қадар томонлар ўзаро қабул қилинадиган келишувга эриша олгани йўқ.