Париж Олимпиадасида иштирок этадиган боксчиларимиз сони яна биттага ортди!

Париж-2024 олимпия ўйинларида иштирок этадиган аёллар терма жамоамиз спортчилари яна биттага кўпайди. Бу ҳақда Ўзбекистон бокс федерацияси матбуот хизмати хабар тарқатмоқда.

"-57 кг вазнли боксчимиз Ситора Турдибекова  Париж-2024 Олимпия ўйинларида юртимиз шарафини ҳимоя қиладиган бўлди. Кейинроқ батафсил маълумот бериб ўтамиз", - деяилади федерация хабарида.

Ўзбекистон Миллий Олимпия қўмитаси матбуот хизматининг ёзишича, Ситора Турдибекова Париж-2024 ёзги Олимпия ўйинлари қатнашчилари қаторига қўшилди. 

"Мусобақа ташкилий қўмитаси Турдибекованинг Ханчжоу-2022 Осиё ўйинларидаги иштироки орқали Париж-2024 қатнашчилари қаторига кирганини расман тасдиқлади", - дейилади МОҚ хабарида.

Маълумот учун, бунга қадар 9 нафар боксчими Париж Олимпиадаси лицензиясини қўлга киритган эди.